prathamo vargaḥ

bodhicittotpādasūtraśāstra

prathamo vargaḥ

adhyeṣaṇotpādaḥ
namāmyaparyantatathāatān gatān
jinānahaṁ sāmpratikānanāgatān |
nabhaḥsamākṣobhyadhiyo 'parājitān
janān paritrātumatho mahākṛpān ||1||

1 | asti mahāvaipulyamanuttaraṁ saddharmamātṛkāpiṭakaṁ bodhisatvai rmahāsattvairabhyastam | tathāhi | (1) adhyepatantyabhisamboddhu manuttarāṁ bodhim | (2) prerayanti sattvān cittamutpādayituṁ gambhīrodāram | (3) pratiṣṭhāpayanti praṇidhānaṁ pariniṣpannam | (4) utsṛjantyātmabhāvaṁ dhanāni ca nigṛhṇanti lobhaṁ mātsarya ca | (5) ācaranti pacaskandhaśīlam | vinayanti cāparādhinaḥ | (6) bhāvayanti paramāṁ kṣāntiṁ dveṣāparaṇanigrahāya (7) janayanti voryotsāhaṁ sattvapratiṣṭhāpanāya (8) saṁgṛhṇanti dhyānāni sattvacittaparijñānāya | (9) bhāvayanti prajñāmavidyānirodhāya | (10) praviśanti tathatādvāramāsaṅgaprahāṇāya | (11) pradarśayānti gaṁbhīratamāmalakṣaṇāṁ śūnyatācaryām | (12) anuśaṁsanti puṇyaṁ buddhabījānucchedāya | ityevamādīnaprameyānupāyān bodhidharmasahāyabhūtāni viśuddhimukhāni sarvebhyo'nuttarakuśalakāmebhyo vibhajya darśayāmi sambodhayitumanuttarāṁ samyaksambodhim ||

2 | buddhaputrā buddhamāṣitamudgṛhṇādbhiḥ sattvānāmarthāya dharma deśyadbhi rbuddhaputraiḥ prathamaṁ tāvadanuśaṁsayitavyā buddhaguṇā yāñcchrutvā sattvāścittamutpādayeyurgaveṣayituṁ buddhaprajñām | cittotpādahetorbuddhabījamanucchinnaṁ bhavati | yadi bhikṣubhikṣuṇyuyāsakopāsikā anusmaranti buddhamanusmaranti dharmaṁ punaranusmaranti yat tathāgatā bodhisattvamārgasamprasthānakāle dharma gaveṣayitumasaṁkhyeyakalpaṁ prayatnaduḥkhamudvahantītyevamanusmṛtyā bodhisattvā nāmarthāya deśayanti dharma yāvadekāmapi gāthāṁ yena dharmamimaṁ śrutvā bodhisattvā hitāṁ deśanāmabhinandattyavaropayanti kuśalamūlānyācaranti buddhadharma prāpruvantyanuttarāṁ samyaksambodhim ||

3 | sattvānāmaprameyāṇāmanādijātimaraṇaduḥkhocchedāya bodhisattvā mahasattvā abhilaṣantyaprameyāṇi kāyacittāni | ācaranti vīryam | gambhīramutpādayantimahāpraṇidhānaṁ | anutiṣṭhanti mahopāyam | utpādayanti mahāmaitrī mahākarūṇām | gaveṣayanti mahāprajñāmadṭaṣṭoṣṇīṣalakṣaṇām ||

4 | gaveṣayanta evaṁvidhānmahato buddhadharmān jñātavyaṁ yad dharmā aprameyā aparyantāḥ | dharmāṇāmaprameyatvāttatpuṇyafalavipāko'pyaprameyaḥ | bhagavānavocat | bodhisattvāścedādivodhicittamutpādayanti teṣāṁ tasya durbalasyāpi kṣaṇasya puṇyafalavipākaḥ kalpakoṭiśatasahasrairapi vaktuṁ na pāryate kathaṁ puarekadinamekamāsamekavarṣa yāvacchatavarṣaṁ samprasthitasya cittasya puṇyafalavipāko vaktuṁ pāryeta | tatkasya hetoḥ | sarvānsattvānsthāpayitumanutpādadharmakṣāntāvabhisaṁbodhayiumanuttarāṁ samyaksambodhiḥ bodhisattvacaryāyā anantatvāt ||

5 | buddhatmajā bodhisattvā ādibodhicittamutpādayanti | tathāhi | mahāsamudro yadādau samudeti jñātavyaḥ so'dhamamadhyamottamamūlyānāṁ yāvadmulyānāṁ cintāmaṇiratnamuktāfalānāmākaro bhavati | eṣāṁ ratnānāṁ mahāsamudrādutpatteḥ | bodhisattvasya cittotpādā apyevam | yadādicittamutpadyate jñātavyaṁ taddevamanuṣyāṇāṁ śrāvakapratyekabuddhabodhisattvānāṁ sarvakuśaladharmāṇāṁ dhyānasya prajñāyāścotpatterākaraḥ ||

6 | punastathāhi | trisāhasramahāsāhasro lokadhāturyadā samudeti jñātavyaṁ tatra ye paṁcaviṁśatirbhavā steṣu yāvantaḥ sattvāḥ sarvānvahati sarveṣāmāśrayo bhavatyāvāso bhavati | bodhisattvasya cittotpādā apyevam | yadā tatsamudeti sarveṣāmāśrayo bhavatyaprameyāṇāṁ sattvānām | ṣaḍgatiṣu caturyoniṣu ye samyagmithyādṭaṣṭayo'bhyastakuśalābhyastākuśalā rakṣitaśuddhaśīlakṛtacaturgurupārājikāḥ satkṛtaratnatrayaninditasaddharmāḥ samalāstairthikāḥ śramaṇabrāhmaṇāḥ kṣatriyabrāhmaṇavaiśyaśūdrāstān sarvān vahati sarveṣāmāśrayo bhavatyāvāso bhavati ||

7 | punarboddhisattvo maitrī karuṇāṁ ca puraskṛtya cittamutpādayāti | maitrī bodhisattvasyāparyantā'prameyā tasmādaparyantaścittotpādaḥ sattvadhātusamaḥ | tathāhi | ākāśena na kiñcidyadanāvṛtam | bodhisattvasya cittotpādā apyevamaprameyā aparyantā akṣayāḥ | ākāśasvākṣayatvātsattvā akṣayāḥ sattvānāmakṣayatvād bodhisattvasya cittotpādā api sattvadhātusamāḥ ||

8 | sattvadhātornāsti paryanta iti buddhaśāsana manusṛtya saṁkṣepata ucyate | pūrvadikparyantaṁ santi koṭisahasragaṁgānadīvālukāsamā asaṁkhyeyā buddhalokadhātavaḥ | evaṁ dakṣiṇapaścimottarāsu dikṣu caturṣu vidikṣūrdhvamadha ekaikasyāṁ santi koṭisahasra gaṁgānadīvālukāsamā asaṁkhyeyā buddhalokadhātavaḥ | akhilāste cūrṇitā rajāṁsi bhaveyu rnemāni rajāṁsi māṁsacakṣurgocarāṇi syuḥ | koṭiśatasahasra gaṁgānadīvālukāsameṣvasaṁkhyeyeṣu trisāhasramahāsāhasralokadhātuṣuyāvantaḥ sattvāḥ sarvete saṁgatā udgṛhṇīyurekaṁ rajaḥ | dviguṇitakoṭiśatasahasra gaṁgānadivālukāsameṣvasaṁkhyeyeṣu trisāhasramahāsāhasralokadhātuṣu yāvantaḥ sattvā gṛhṇīyuste dve rajasī | evaṁ viparivartanamānā udgṛhṇanto daśadikṣvekaikasyāṁ koṭisahasra gaṁgānadī bālukāsameṣva saṁkhyeyeṣu buddhalokadhātuṣu yāvatpṛthivībhṛtarajāṁsi paryantaṁ nayeyustathāpi na paryantaḥ sattavadhātoḥ | tathāhi | kaścitpuruṣaḥ keśamikaṁ śatadhā vibhajyaikena bhāgena mahāsamudjalājjalalavaṁ gṛhṇāti | mayā sattvānāṁ viṣaye bhāṣitaṁ tadebamalpaṁ yaścāpi na mayā bhāṣitaṁ tadyathā mahāsamudrajalam | yadi nāma buddho' prameyamaparyantamasaṁkhyeyaṁ kalpamavadānaṁ vyākaroti tathāpi na paryantaḥ | bodhisattvasya cittotpādā avṛṇvantyevaṁbhūtānapi sattvān| tatkathaṁ buddhaputrāḥ | syādbodhicittasya paryantaḥ ||

9 | yadi bodhisattvā evaṁvidhaṁ bhāṣitaṁ śrutvā nottrasiṣyanti na saṁtrasiṣyanti na saṁtrāsamāpatsyante na vinivartipyante na bilayaṁ gamiṣyanti jñātavyaṁ te dhruvamutpādayiṣyanti bodhicittamiti | yadi hi sarve'premayā buddhā aprameyamasaṁkhyeyaṁ kalpaṁ yāvadanuśaṁsanti tadguṇān tathāpi na paryantaḥ | tatkasya hetoḥ | bodhicittasyāparimitatvānna paryantaḥ | ityevamādīnaprameyāṁllābhān vyākuryādyena sattvāḥ sssṛṇvantyācarantūtpāda yanti bodhicittam ||

( iti bodhicittotpādasūtraśāstre 'vyeṣaṇotpādonāma prathamo vargaḥ || )

dvitīyo vargaḥ

dvitīyo vargaḥ

bodhicittotpādaḥ

1 | bodhisattvaḥ kathaṁ bodhicittamutpādayati | kaiśca pratyayaiḥ bodhi samudāgacchati | yadi bodhisattvaḥ paricinoti kalyāṇamitrāṇi | pūjayati buddhān saṁgṛhṇāti kuśalamūlāni | gavepayati praṇītadharmān | bhavati nityaṁ suratacittaḥ | kṣamate duḥkhānyāpatitāni | bhavati maitraḥ kāruṇika ṛjucittaḥ | bhavati samacittaśayaḥ | śraddhayābhinandati mahāyānam | gaveṣayati buddhaprajñām | yadi puruṣasya santime daśadharmā utpādayatyanuttarasamyaksamboddicittam ||

2 | punaścatvāraḥpratyayā yaiścittamutpādayati saṁgrahītumanuttarāṁ bodhim | katame catbāraḥ | anuvicintayanbuddhānbodhicittamutpādayatīti prathamaḥ | pratyavekṣamāṇakāyasyādīnavān bodhicittamutpādayatīti dvitīyaḥ | dayamānaḥ sattveṣu bodhicittamutpādayatīti tṛtīyazḥ | gaveṣayannuttamaṁ falaṁ bodhicittamutpādayatīi caturthaḥ ||

3 | buddhānuvicintanā punaḥ pañcaprakārā | anuvicintayati yaddaśadikṣvatītānāgatapratyutpannāḥ sarve buddhāścittotpādārambhe'dhunāhamivāsan kleśasvabhāvāante cābhavansamyaksambuddhā anuttarā bhagavanta iti heto rbodhicittamutpādayāmīti prathamā | anuvicintayati yat sarve triṣvadhvasu buddhā mahotsāhamudapādayan pṛthakpṛthagvāptumanuttarāṁ bodhim | yadi bodhiḥ prāptavyo dharmo mayāpi prāptavyetihetorutpādayāmi bodhicittamiti dvitīyā | anuvicintayati yatsarve triṣvadhvasu buddhā udapādayanmahāprajñāṁ pratyatiṣṭhipannādyāvaraṇe varacittaṁ saṁcinvanto duṣkaracaryāmudadīdharannātmānamatyakramiṣustridhātum | ahamapyevamātmānamuddhareyamiti hetorutpādayāmi bodhicittamiti tṛtītā | anuvicintayati yatsarve triṣvadhvanu buddhā lokanāyakāḥ pāraṁgatā jātijarāmaraṇakleśamahāsamudāt | ahamapi puruṣaḥ pāraṁ brajeyamiti hetoratpādayāmi bodhicittamiti caturthī | anuvicintayati yatsarve tripvadhvasu buddhā udapādayanmahāvīryamudasṛjannātmabhāvaṁ jīvitaṁ dhanāni cāmārgayansarvajñatām | ahamapi sāmpratamanusareyaṁ buddhāniti hetorutpādayāmi bodhicittamiti paṁcamī ||

4 | kāyasyādīnavapratyavekṣā bodhicittotpādāya punaḥ paṁcaprakārā | ātmānaṁ pratyavekṣate yatkāye 'sminnubhaye pañcaskandhāścaturmahābhūtāni kurvantyaprameyāṇyaśubhakarmāṇītikāmayate tatparityāgamiti prathamā | ātmānaṁ pratyavekṣate yatkāye'sminnavacchidrāṇi yebhyaḥ sravanti durgandhimalāmedhyānīti kurute taṁ pratyanādaramitidvitīyā | ātmānaṁ pratyavekṣate yatkāye'smillobhadveṣamohā aprameyāḥ kleśā nirdahanti kuśalacittamiti kāmayate nirvāpayitumiti tṛtīyā | ātmānaṁ pratyavekṣate yatkāyo'yaṁ fenabudbudavatkṣaṇaṁkṣaṇamutpadyate nirudhyate tena dharmāḥ prahātavyā iti kāmayate prahātumiti caturthī | ātmānaṁ pratyavekṣate yatkāyo'yamavidyāvṛtatayā sarvadā karityaśubhakarmāṇi saṁsarati ṣaḍgatiṣu na cāsya lābha iti paṁcamī |

5 | uttamafalagaveṣaṇā bodhicittotpādāya punaḥ paṁcaprakārā | paśyati tathāgatānāṁ bhāsvaranirmalāṁ sallakṣaṇānuvyañjananiṣpattiṁ yāṁ saṁgacchataḥ kleśā vyapagatā bhavantīti saṁgṛhṇatīti prathamā | paśyati tathāgatānāṁ dharmakāyaṁ nityamavasthitaṁ pariśuddhaṁ niṣkalaṁkamiti saṁgṛhṇatīti dvitīyā | paśyati tathāgatānāṁ śīlasamādhiprajñāvimuktivimuktijñānadarśanapariśuddhadharmaskandhāmiti saṁgṛhṇatīti tṛtīyā | paśyati tathāgatānāṁ daśa balāni catvāri vaiśaradyāni mahākaruṇāṁ trīṇi smṛtyupasthānānīti saṁgṛhṇatīti caturthī | paśyati tathāgatānāṁ sarvajñatāṁ kṛpāṁ sattveṣu yanmaitrīkaruṇābhyāṁ samāvṛtya vibhrāntānnayati sarvānsanmārgamiti saṁgṛhṇatīti pañcamī ||

6 | kṛpā sattveṣu bodhicittotpādāya punaḥ pañcaprakārā | paśyati sattvānavidyayā vinibaddhāniti prathamā | paśyati satvānnānāduḥkhaparyavasthitāniti dvitīyā | paśyati sattvansaṁgṛhṇato'kuśalakarmāṇīti tṛtīyā | paśyati sattvānkurvato gurutarāṇi duścaritānīti caturthī | paśyatisattvānanācarataḥ samyagdharmamiti pañcamī ||

7 | avidyābandhanaṁ punaścatuḥprakāram | paśyati sattvānmoharāgavibhrāntānvedayato mahākṛcchraduḥkhānīti prathamam | paśyati sattvānaśraddadhānānhetufalayoḥ kurvato'śubhakarmāṇīti dvitīyam | paśyati sattvānutsṛjataḥ samyagdharmaṁ śraddaghānān mṛṣāmārgamiti tṛtīyam | paśyati sattvānkleśanadyāṁ majjataścatuḥpravāheṣūnmajjata iti caturtham ||

8 | nānāduḥkhaparyavasthānaṁ punaścatuḥprakāram | paśyati sattvānbibhyato jātijarāvyādhimaraṇebhyo vimokṣamagaveṣayataḥ karmāṇi punaḥ kurvata iti prathamam | paśyati sattvāñcchokaparidevadaurmanasyaduḥkhitānnityamaviśrāntakarmaṇa iti dvitīyam | paśyati sattvānpriyaviyogaduḥkhamūḍhānupāyāsaktāniti tṛtīyam | paśyati sattvānapriyasaṁyogaduḥkhitānnityamatikrāntabhederṣyānapi kṛtāpriyāniti caturtham ||

9 | akuśalasaṁgrahaḥpunaścatuḥprakāraḥ | paśyati sattvānkāmārāgātkurvato'śubhāniti prathamaḥ | paśyati sattvāñjānato'pi kāmānāṁ duḥkhotpādakatamanutsṛjataḥ kāmāniti dvitīyaḥ | paśyati sattvānsukhaṁ kāmayato'pi śīlapādavimukhāniti tṛtīyaḥ | paśyati sattvānduḥkhamanabhinandato'pi carato'virataṁ duḥkhāyeti caturthaḥ ||

10 | gurutarapāpācāraḥ punaścatuḥprakāraḥ | paśyati sattvānaparādhyatoguruśīlaṁ bhaye'pi pramādina iti prathamaḥ | paśyatisattvānkurvato'tyantāśubhāni pañcānantaryakarmāṇi drohāvṛtatvena notpādayato hriyamapatrapāṁceti dvitīyaḥ | paśyati sattvānnindato mahāyānavaipulyasaddharmānvālyaparigṛhītānsamudgatamadamānāniti tṛtīyaḥ | paśyati sattvānbuddhimato'pyucchindataḥ kuśalamūlānyathāpi mānino na kadāpyanuśocata iti caturthaḥ ||

11 | samyagdharmānācaraṇaṁ punaścatuḥprakāram | paśyati sattvānaṣṭākṣaṇeṣu na śṛṇvataḥ saddharmamajānataścarituṁ kuśalamiti prathamam | paśyati sattvānbuddhotpāde nāpitaṁ saddharmaṁ śṛṇvato'pi na gṛhṇata iti dvitīyam | paśyati sattvānudgṛhṇata stairthikavādānkurvata ātmaklamathānuyogān nityamapagacchato vimokṣāditi tṛtīyam | dṛśyati sattvāṁllabdhaṁ naivasaṁjñānāsaṁjñāṁ nāma samādhi nirvāṇamivodgṛhṇataḥ kuśalavipākānte punaścyavatastisṛtiṣu durgatiṣviti caturtham ||

12 | bodhisattvaḥ paśyati sattvānavidyayākarmāṇi kurvato dīrgharātraṁ vedayato duḥkhāni parityajataḥsaddharmaṁ vismarato niḥsaraṇamārganityevaṁ kāraṇādutpādayati mahāmaitrīṁ karūṇāṁ pradīptaśirasrāṇavacca gaveṣayatyanuttarāṁ samyagyambodhiṁ sarvānsattvā keśaduḥkhitānahamuddharāmi niravaśeṣamiti | buddhātmajāḥ saṁkṣepeṇa meyadamuktam | vādikarmiko bodhisattvaḥ sakāraṇaṁ cittamutpādayatīti | vistareṇa ceducyeta na tasya parimāṇaṁ na tasya paryantaḥ ||

( iti bodhicittotpādasutraśāstre bodhicittotpādo nāma dvitīyo vargaḥ ||)

tṛtiyo vargaḥ

tṛtiyo vargaḥ

pratidhānam

1 | bodhisattvaḥ kathamutpādayati bodhim | kayā karmacaryayā paripūrayati bodhim | utpāditacitto bodhisattvaḥ śuvidarśanābhūmi madhiṣṭhito dṭaḍhmādāvutpādayati samyakpraṇidhānaṁ saṁgrahītuṁ sarvānaprameyānsattvān | gaveṣayāmyahamanuttarāṁ bodhiṁ pāratrātuṁ niravaśepaṁ prāpayitumanupadhinirvāṇam | tasmāccittotpādādarabhya mahākaruṇāyāḥ karuṇācittenotpādayati daśottaraṇi samyakpraṇidhānāni ||

2 | katamāni daśa | kāmaye yanmayā purā janmanīhacānena kāyena yadavaropitaṁ kuśalamūlaṁ tadutsṛjāmyaparmantebhyaḥ sarvasattvebhyaḥ | pariṇāmayāmi ca sarvānanuttarāyāṁ bodhau | kṣaṇaṁ kṣaṇaṁ praṇidhānametanme saṁvarddheta jātau jātau ca jāyeta nityaṁ cittānubaddhaṁ na kadāpi vismriyeta dhāraṇyā ca parikṣyeta |
kāmaye yadahaṁ pariṇāmya mahābodhāvanena kuśalamūlena sarvajātinivāseṣu nityaṁ pūjayeyaṁ sarvabuddhānna kadāpyabuddhakṣetreṣu saṁbhaveyam |
kāmaye yadahamutpadya buddhakṣetre ṣūpagaccheyaṁ buddhānupatiṣṭheyaṁ buddhāñchāyeva śarīramanugataḥ kṣaṇamapi na dūrībhaveyaṁ buddhebhyaḥ |
kāmaye yadahamupagato buddhāṁstai ryathākāmaṁ mamārthāya deśitena dharmeṇa niṣpādayeyaṁ bodhisattvapaṁcābhijñānāni |
kāmaye yadahaṁ niṣpādya bodhisattvapaṁcābhijñānāni saṁvṛtisatyaṁ vijñaptiprasṛtaṁ pratibudhya paramārthasatyaṁ bhṛtasvamāvaṁ parijñāya prāpnuyāṁ samyagdharmajñānam |
kāmaye yadahaṁ prāpya samyagdharmajñānamaviśrāntacittena deśayeyaṁ sattvebhyo nidarśayitumupadeśahitān ababodhayituṁ ca tānsarvān |
kāmaye yadahamababodhya sarvānsattvānbuddhānubhāvena gaccheyaṁ daśadikṣu niravaśeṣeṣu lokadhātuṣu pūjatituṁ buddhāñchrotuṁ saddarmān saṁparigrahītuṁ sattvān |
kāmaye yadahaṁ buddhakṣetreṣu saddharmamudgṛhyānupravarteyaṁ pariśuddhaṁ dharmacakram | daśadi kathātuṣu sarvesattvā mama deśanāṁ śrutvā mama nāmākarṇya parityajantu sarvānkleśānu dayantu bodhicittam |
kāmaye yadahaṁ sarvasattveṣu bodhicittamutpādya nityaṁ paripāluyituṁ parihareyamalābhaṁ prapaccheyamaprameyasukhānyutsṛjeyaṁ jīvitaṁ dhanānicoddhareyaṁ sattvānudvaheyaṁ saddharmam |
kāmaye yadahaṁ saddharmamudūḍhaya caritvāpi saddharmaṁ cittena nācareyam | yathā sattvā ācaritadharmāṇo'pi nācaritadharmāṇo na ca nācaritadharmāṇaḥ | vinetuṁ vānnotsṛjeyaṁ samyakpraṇidhānam | itīme samutpāditacittānāṁ bodhisattvānāṁ samyagmahāpraṇidhānāni | imāni daśamahāpraṇidhānāni sarvasattvadhātuṣṛdgṛhṇanti gaṁgānadībālakāsamāni praṇidhānāni | yadi ca sattvānāṁ samāptiḥ syānmama dhānānāmapi samāptirbhavet | naca khalu sattvānāṁ samāptistena mama praṇidhānānāmapi na samāptiḥ ||

3 | punaḥ khalu dānaṁ bodhihetuḥ sarvasattvānugrāhakatvāt | śīlaṁ bodhihetuḥ daśalaprāptyā mūlapraṇihitaparipūrakatvāt | kṣāntirbodhheturdvatrīśallakṣaṇāśītyanupyañjanasaṁprāpakatvāt | vīryaṁ bodhihetuḥ kuśalācāravardhakatayā sotsāhaṁ sattvaparipācakatvāt | dhyānaṁ bodhiheturbodhisattvānāṁ samyagātmasaṁyamanena sattvacittacaryāvavodhakatvāt | prajñā bodhihetu rniravaśepaṁ dharmabhāvalakṣaṇāvavodhakatvāt | saṁkṣepata ucyate ṣaḍimāḥ pāramitā bodheḥ samyaghetuḥ | catvāro brahmavihārāḥ saptaviśadbodhipākṣikā dharmā sahasraśaḥ kuśalācārāḥ sahakāriṇaḥ pūrayitāraḥ | yadi bodhisattva ācarati ṣaṭ pāramitāstadanusṛtya carati caryāṁ krameṇopaityanuttarāṁ samyaksambodhim ||

4 | buddhātmajā bodhi gaveṣayadbhirna pramaditavyam | pramādācaraṇena vinaśyatikuśalamūlam | bodhisattvo damayati ṣaḍindriyāṇi na pramādyati cedācarituṁ śaknoti ṣaṭ pāramitāḥ | bodhisattvaścittamutpādya pratiṣṭhāpayati sthairyaṁ saṁpratiṣṭhāpayati dṭaḍhaṁ praṇidhānam | praṇihitaṁ pratiṣṭhāpya na kadāpi pramādyati na ca bhavati kusīdo na ca dīrghasūtraḥ | tatkasya hetoḥ | praṇihitamadhiṣṭhitaḥ paṁcavastūnyudgṛhṇāti | dṭaḍhayati cittamiti prathamam | atikrāmyati kleśāniti dvitīyam | niruṇaddhi vicintya pramādacittamiti tṛtīyam | bhinatti paṁcanīvaraṇānīti caturtham | sotsāhamācarati ṣaṭ pāramitā iti paṁcamam | tathācānuśaṁsitaṁ bhagavatā tathāgatai rmahāprājñai rbhahāprājñai rbhagavadbhi vyākhyāteṣu guṇeṣu kṣāntiprajñāpuṇyavalānāmadhigameṣu praṇidhānabalamuttamamiti ||

5 | kathaṁ pratiṣṭhāpayati praṇidhānam | yadi kaścidāyāti bahubidhaṁ yācituṁ tadahaṁ dadāmi yāvannotpādayāmi kṣaṇamapi mātsaryacittam | kṣaṇamapinimeṣamapyutpādaya nnaśubhacittaṁ dānapratyayena cedgaveṣayāmi śubhavipākaṁ tadahaṁ pratārayāmi daśadikṣu bhagavato'prameyānāparyantānasaṁkhyeyān pratputpannāṁstathāgatān anāgate'śvanyapi na pūrayeyaṁ dhruvamanuttarāṁ samyaksambodhim | yadyahaṁdhārayāmi śīlaṁ yāvadutsṛjannapyātmabhāvaṁ (jīvitaṁ) pratiṣṭhāpayāmi pariśūddhaṁ cittaṁ praṇidadhāmi yanna pratinivarte nānuśocāmi | yadyamācarāmi kṣāntiṁ pareṇākrāntaḥ pratyaṁgaṁ vibhajyamāno'pi cchidyamāno'pyutpādayāmi nityaṁ maitrīṁ praṇidadhāmi yannācareyaṁ dveṣam | yadyahamācarāmi vīryamupalabhya śītoṣṇarājadasyujalāgnisiṁhavyāghravṛkanirjakāntārān dṭaḍhikaromi cittaṁ praṇidadhāmi yanna pratinivarte | yadyahaṁ bhāvayāmi dhyānaṁ bāhyai rvastubhiḥ kliśyamāno'pi vyākulacittau'pyanubadhnāmi smṛtiṁ karmasthāne | kṣaṇamapi na kadācidutpādayāmyadharmyāṁ vikṣepasaṁjñām | yadyahaṁ bhāvayāmi prajñāṁ sarvadharmāstathatābhūtānpaśyanparigṛhṇapi | kuśalākuśaleṣu saṁskṛtāsaṁskṛteṣu jātimaraṇanirvāṇeṣu notpādayāmi dvaitadṭaṣṭim | yadyahaṁ nimeṣamapi kṣaṇamapyanuśocandviṣan pratinivartamānaḥ saṁjñāṁ vikṣipan dvaitadṭaṣṭimutpādayañchilakṣāntivīryadhyānaprajñābhiḥ śubhavipākaṁ gaveṣayāmi tadahaṁ pratārayāmi daśadiglokadhātuṣvaprameyānaparyantānasaṁkhyeyān pratyutpannāṁstathāgatān | anāgate'dhvanyapi na khalupūrayeyamanuttarāṁ samyaksaṁbodhim |

6 | bodhisattvo daśamahāpraṇidhānai rgṛhṇāti saddharmacaryām | ṣaṇmahā praṇidhānai rdamayati prāmadacittam | sotsāhaṁ varati vīryam | ācarati ṣat pāramitāḥ paripūrayatyanuttarāṁ samyaksaṁbodhim ||

( iti bodhicittotpādasutraśātre praṇidhānaṁ nāma tṛtīyo vargaḥ || )

caturtho vargaḥ

dānapāramitā

caturtho vargaḥ

1 | bodhisattvaḥ kathaṁ dānaṁ dadāti | dānamātmaparobhayalābhāya cedevaṁvidhaṁ dānaṁ niṣpādayati bodhimārgam | bodhisattvaḥ kāmayate vinetuṁ sattvānaparhatuṁ duḥkhāni dadāti tasmāddānam | dānamutsṛjannityamutpādayatyātmavitteṣu tyāgacittam | yācakeṣu mātāpitṛgurukalyāṇamitreṣvivotpādayatyādaracittam | janayati mātāpitṛgurukalyāṇamitrasaṁjñām | putra ivotpādayati daridreṣu hīneṣu karuṇācittam | janayati putrasaṁjñām | yathāprārthitaṁ vitaratyādareṇa muditacittenetyucyate bodhisattvasyādidānacittam ||

2 | dānacaryāhetoḥ prasarati yaśaḥ | yatra va kacijjāyate bhavantyasya prabhṛtāni dhanānītyasyātmalābhaḥ | tarpayansattvānāṁ cittaṁ śikṣayati vinayati vidadhāti tānavimatsarānityeṣa paralābhaḥ | vitarannalakṣaṇaṁ mahādānaṁ sattveṣu pariṇāmyātmanā salābhinaḥ karotītyeṣa ubhayalābhaḥ | dānacaryāhetoḥ prāpnoti vartipadam | upasaṁgṛhṇātyaprameyānsarvasattvānyāvadāprāpte rbuddhatvasyākṣayadharmakośabhyetyevaṁ niṣpādayati bodhimārgam ||

3 | dānaṁ trividham | prathamaṁ dharmadānaṁ dvitīyamabhayadānaṁ tṛtīyamāmipadānam | dharmadānamudbodhayati lokāñchīlagrahaṇāya pravrajyācittacaraṇāya | mithyādṭaṣṭeḥ prahāṇāya deśayati śāśvatocchedau, caturaḥ viparyāsān pāpānāmādīnavaṁ ca, vibhajya prakāśayati paramārtham anuśaṁsati vīryaguṇānbhāṣate pramādātyayapāpamityucyate dharmadānam | yadi sattvo vibheti nṛpātsaṁhādvyābrādvṛkājjalādagne rdasyoścaurādvā bodhisattvo dṛṣṭe tatparitrāyat ityamayadānam | ātmano vittāni yāvad ratnaṁ hastinamaśvaṁ rathaṁ vasrāṇi dhānyaṁ vāsasī peyaṁ khādyaṁ yāvatkavalamātramekasūtraṁ prabhūtamalpaṁ vā vitaranna mātsaryaṁ kurute | yathāprārthitaṁ tarpayati yācakānityāmiṣadānam ||

4 | āmiṣadānaṁ punaḥ pañcavidham | prathamaṁ saralacittadānaṁ dvitīyaṁ śraddhā cittadānaṁ tṛtīyaṁ yathākāladānaṁ caturthaṁ svahastena dānaṁ paṁcamaṁ yathādharmadānam ||

5 | adātavyaṁ dānaṁ punaḥ paṁcaprakāram | adharmeṇopārjitaṁ dhanaṁ na dātavyaṁ syāpariśūddhatvāt | madyaṁ na dātavyaṁ parebhyo viṣaṁ ca sattvānāṁ vikṣepasattvāt | mṛgayopakaraṇāni na dātavyāni parebhyassattvānāṁ kleśakaratvāt | na dātavyāḥ parebhyassattvānāṁ hisakatvāt | gītaṁ striyaśca na dātavyāḥ parebhyaścittapavitratāyā dūṣakatvāt | saṁkṣepata ucyate | yanna yathādharmaṁ yacca vikṣepakaraṁ vikṣepakaraṁ sattvānāṁ tanna dātavyaṁ parebhyaḥ | śiṣṭaṁ sarvaṁ yatsukhayati sattvāṁstaducyate yathādharmadānam ||dānaricirlabhate paṁcabidhaṁ kīrtikuśalalābham | sāmīpyaṁ labhate sarvasatāmiti prathamaḥ | sarve sattvāstaṁ draṣṭumabhilaṣantīti dvitīyaḥ | janakāyaṁ praviṣṭaḥ satkriyate janairiti tṛtīyaḥ | prasarannasya yaśovarṇaḥ śrūyate daśasu dikṣviti caturthaḥ | bhavati bodheḥ samyaguttamo heturiti paṁcamaḥ ||

6 | bodhisattvaḥ sarvadātetyucyate | sarvadānaṁ na bahudhanaṁ kintu dānacittam | yathādharmaṁ dhanamupārjyopādāya yaddadāti taducyate sarvadānam pariśuddhacittena yadaśāṭhayadānaṁ taducyate sarvadānam | daridrāndṭaṣṭrā dayācittena yaddadāti taducyate sarvadānam | duḥkhitāndṭaṣṭrā karuṇācittena yaddadāti taducyate sarvadānam | daridro'lpadhano'pi yaddadāti taducyate sarvadānam | spṛhaṇīyāni ratnajātānyudāracittena yaddadāti taducyate sarvadānam | apaśyañchīlāśīlaṁ kṣetrākṣetraṁ yaddadāti taducyate sarvadānam apaśyaz ṇchilāśīlaṁ kṣetākṣetraṁ yaddadāti taducyate sarvadānam | agaveṣayandevamānupakalyāṇasukhāni yaddadāti taducyate sarvadānam | gaveṣayannanuttarāṁ bodhi yaddadāti taducyate sarvadānam | ditsayā dānakāle pradāya yannānuśocati taducyate sarvadānam ||

7 | yadi puṣpāṇi dadāti labhate dhāraṇīsaptabodhipuṣpāṇi | yadi gandhaṁ dadāti labhate śīlasamādhiprajñāḥ | (śīlasamādhiprajñādhūpaṁ prajvālya ) dhūpayati cātmānam | yadi falaṁ dadāti labhate pūrayati cānāsravafalam | yadyāhāraṁ dadātikāyavāgrū pavalasukhasampannobhavati | yadi vastrāṇi dadāti labhate'vadātaṁ rūpamapanayatyāhrīkyamanapatrāpyam | yadi pradīpaṁ dadāti buddhacakṣurlabhate bhāsvaraṁ sarvadharmasvabhāvānām | yadi hastyaśvarathayānāni dadāti labhate'nuttaraṁ yānamṛddhiṁca | yadyalaṅkārāndadāti labhate 'śītyanuvyañjanāni | yadi ratnāni dadāti labhate dvātriṁśanmahāpuruṣalakṣaṇāni | pariśrameṇa [ sattva- ] sevāṁ yadyācarati labhate daśavalāni caturvaiśaradyāni |
saṁkṣepata ucyate | rāṣṭraṁ nagaraṁ dārānputrāñchira ścakṣura hastapādau yāvatsarvakāyaṁ dadātyantarā citramātsaryaṁ prāptamanuttarāṁ bodhiṁ parinirvāpayituṁ sattvān | bodhisattvo mahāsattva ācarandānacaryāṁ bhavatyavittadṭaṣṭi rdānādānayoralakṣaṇatvāttatasmātpūrayati dānapāramitām ||

( iti bodhicittotpādasṛtraśāstre dānapāramitā nāma caturtho vargaḥ ||)

paṁcamo vargaḥ

śīlapāramitā

paṁcamo vargaḥ

1 | bodhisattvaḥ kathamācaratiśīlam | śīlamātmaparobhayalābhāya cedevaṁvidhaṁ śilaṁ niṣpādayati bodhimārgam | bodhisattvaḥ kāmayatevinetuṁ sattvānaparhatuṁ duḥkhānyācarati tasmācchīlam | śīlamācaransarvāṇi pavitrayati kāyavāṅmanaḥkarmāṇi | akuśalacaryāsu pariharati cittam | samyakprabhavati cāvajñāpayituṁ duṣkṛtaṁ śīlavidhātaṁ ca | kṣudreṣvapi pātakeṣu cittena vibheti nityamityucyate bodhisattvasyādiśīlacittam |

2 | śīlācaraṇahetoḥ sarvān parityajati pāpātyayān kuśalāvāsepūtpadyate nityamityasyātmalābhaḥ | śikṣayati sattvānakartuṁ duṣkṛtamiti paralābhaḥ | caritvābodhaye śīlaṁ pariṇāmya sattveṣvātmanā salābhinaḥ karotityubhavalābhaḥ | śīlācaraṇahetorlabhate vairāgyaṁ yāvatkṣapayatyāsravānparipūrayati cānuttarāṁ samyaksambodhimiti niṣyādayati bodhimārgam ||

3 | śīlaṁ tāvattrividham | prathamaṁ kāyaśīlaṁ dvitīyam vākśīlaṁ tṛtīyaṁ cittaśīlam | udgṛhṇankāyaśīlaṁ sākalyena pariharatihiṁsāstainyakāmamithyācārān | virataḥ prāṇātipātādvirato'dattādānādvirato'brahmacaryānnapunarvidadhāti prāṇātipātādīnāṁ hetupratyāyāṁnsteṣāmupāyāṁśca na ca praharato sattvāndaṇḍena kāṣṭheneṣṭikayā prastareṇa vā | parakīyamarthajātaṁ parakīyaṁ bhogyajātaṁ yāvattṛṇamātramapi patramātramapi nādattamādatte na ca khalu punaḥ kadācidapimohakaṁ rūpaṁ nirikṣate | caturṣu sādarībhavatīryāpatheṣvityucyate kāyaśīlam ||

4 | udgṛhṇanvākśīlaṁ sākalyena prajahāti mṛṣāvādaṁ paiśunyaṁ pāruṣyaṁ sambhinnapralāpam | na kadāpi pratārayati na ca saṁgatānbhinatti nābhyākhyāti na ca kṛtrimāṁ vācamudāharati nāpi lokāprāsādakamupāyamāracayati bhāṣate viśvastaṁ madhuramakapaṭaṁ bhāṣate nityahitam | śikṣayati kuśalamācaritumityucyate vākśīlam ||

5 | udgṛhṇaṁścittaśīlaṁ niruṇaddhi lobhadveṣamithyādṭaṣṭīḥ | nityaṁ vidadhāti mṛducittam | nātyayānācarati | śraddhadhāti pāpakarmaṇāmaśūbhaṁ falaṁ bhavatīti bhavanābalena nāśubhānyacarati | kṣudreṣvapi pāreṣu janayati gurutara (pāpa) saṁjñām | ajñānataḥ kurvanpāpāni vibheti paścāttatpatte sattveṣu notpādayati dveṣam | dṭaṣṭvā sattvānutpādayati snehacittam | kṛtaṁ jānāti pratyupakaropyavimatsaracittaḥ | puṇyācaraṇe chandaṁ janayan nityaṁ śikṣayati janān | nityaṁbhāvayati maitrīcittam | karuṇāyatesarveṣvityucyate cittaśīlam ||

6 | eteṣāṁ daśakuśalakarmapathānāṁ paṁcākāro lābhaḥ nigṛhyate duścaritamiti prathamaḥ | utpadyate kuśalacittamiti dvitīyaḥ | nirudhyante kleśā iti tṛtīyaḥ | paripūryate viśuddhacittamiti caturthaḥ | samedhate śīlamiti paṁcamaḥ ||

7 | kuśalamacaranpuruṣo na carati cetpramādamadhigacchati samyaksmṛtim | vivinakti kuśalākuśalam | jñātavyamevaṁvidhaḥ prabhavati puruṣo dhruvamācarituṁ daśakuśalakarmāṇi | caturaśītisahasrāṇyamprameyāṇi śīlāṅgāni daśakuśaleṣveva śīleṣvantarbhavanti | santīmāni daśakuśalaśīlāni sarvakuśalaśīlamūlāni | prahāṇātkāyavākcittaśūbhānāṁ nirodhātsarvākuśaladharmāṇāmucyate śīlamiti ||

8 | śīlaṁ paṁcavidham | prathamaṁ prātimokṣaśīlam | dvitīyaṁ dhyānasahacaraśīlam | tṛtīyamanāsravaśīlam | caturthamindriyadamanaśīlam | paṁcamamavijñaptiśīlam | caturudīritajñaptikarmaṇopādhyādavāptamucyate prātimokṣaśīlam | caturmauladhyānacaturasamāpattidhyānamucyate dhyānaśīlam | maulacaturdhyānaprathamadhyānāsamāpattirucyate'nāsravaśīlam | damannindriyāṇi vidadhāti samyaksmṛticittam | paśyañchṛṇvanbudhyañjānabrū paśabdagandharasaspraṣṭavyāni notpādayatyasaṁprajanyamityucyata indriyadamanaśīlam | utsṛjatyātmabhāvamanāgate'dhvanyakartuṁ punaraśubhamityucyate'vijñaptiśīlam|

9 | bodhisattva ācarati śīlaṁ śrāvakapratyekabuddhāveṇikam | aveṇikatvāducyate kuśalaśīlagrahaṇam | kuśalaśīlagrahaṇatvātkaroti sarvasattvāṁllābhinaḥ gṛhṇan maitrīcittaśīlaṁ paritrāyate sukhayituṁ sattvān | gṛhṇan karuṇācittaśīlaṁ kṣamate sarvaduḥkhānyuddhartuṁ vipattiḥ | gṛhṇanmuditācittaśīlaṁ nandatyakuśīdatvācca kuśalānyācarati | gṛhṇannupekṣācittaśīlaṁ śavumitrayorbhavatiu samaḥ parihartuṁ rāgadveṣam | gṛhṇāti dānaśīlaṁ śikṣayituṁ sāntvayituṁ ca sarvasattvāt | gṛhṇan kṣāntiśīlaṁ bhavati nityaṁ mṛducitto dveṣāvaraṇabaprahīṇatvāt | gṛhṇanvīryaśīlaṁ vardhayati pratidinaṁ kuśalakarmāṇyapratinivartanāt | gṛhṇanśyānaśīlaṁ prajahāti rāgamakuśalaṁ vardhayitudhyānāṅġāni | gṛhṇan prajñāśīlaṁ bahu śṛṇoti kuśalamūlaṁ (tatprati) atṛpteḥ | gṛhṇāti kalyāṇamitrasaṁgrahaśīlaṁ paripūrayituṁ bodhimanuttaraṁ mārgam | gṛhṇātyakalyāṇabhitraparityāgaśīlaṁ parityaktuṁ trividhaṁ duścaritamaṣṭau bhayasthānānī ||

10 | bodhisattvo gṛhṇanpariśuddhaśīlaṁ na pratiṣṭhito bhavati kāmadhātau na ca rūpadhātau nāpi ca pratiṣṭhito bhavatyarūpadhātāviti pariśuddhaśīlam | pariharati rāgarajāsyapanayati dveṣāvagṇaṁ niruṇaddhyavidyāvaraṇamiti pariśuddhaśīlam | parihārati dvāvantau śāśvatam cocchedaṁ cāpratilaumahetupratyayeneti pariśuddhaśīlam| na spṛśati rūpavedanāsaṁjñāsaṁskāravijñānāni prajñaptilakṣaṇānīti pariśuddhaśīlam | na badhnāti hetau notpādayati dṭaṣṭīrna pratiṣṭhāpayati vicikitsākaukṛtye iti pariśuddhaśīlam | na pratiṣṭhāpayati rāgadveṣamohāstrīṇyakuśalamūlānīti pariśuddhaśīlam | na pratiṣṭhāpayatyātmamānaṁ madamānamabhimānaṁ mānātimānaṁ mahāmānaṁ mṛduḥ kuśalasnigdho bhavatīti pariśuddhaśīlam | neñjati lābhālābhanindāpraśaṁsāyaśo'yaśasukhaduḥkheṣu nānulipyate lokasatye śūnye prajñatau bhavati cānugataḥ paramārthasatyamiti pariśuddhaśīlam | akleśamaparitāpaṁ śāntaṁ vimuktilakṣaṇamidaṁśīlam | saṁkṣepata ucyate kāyajīvita nirapekṣo'nityasaṁjñādarśanenotpādayati vairāgyaṁ sodyogaṁ kuśalamūlaṁ bhāvayannabhyutsāhena vīryamācaratīti pariśūddhaśīlam | bodhisattvasya śīlamācarato na bhavati pariśūddhacittadṭaṣṭiḥ saṁjñāvimuktihetoritīyaṁ śīlapāramitā ||

( iti bodhicittātpādasuitraśāstre śīlapāramitā nāma paṁcamo vargaḥ || )

ṣaṣṭho vargaḥ

ṣaṣṭho vargaḥ

kṣāntipāramitā

1 | bodhisattvaḥ kathamācarati kṣāntim | kṣāntirātmaparobhayalābhāya cedevaṁvidhā kṣāntirniṣpādayati bodhimārgam | bodhisattvaḥ kāmayate vinetuṁ sattvānaparhartuṁ duḥkhānyācarati tasmātkṣāntim | kṣāntimācarataścitaṁ vinītaṁ bhavati | sattvānāmupekṣate balavanmadamānaṁ ( svayaṁ ) na cācarati | paśyantudvṛttānutpādayati karuṇām | mṛdulamudīrayandeśayati kuśalacaryām | vibhajya darśayati yo dvepo yā ca kṣāntiryaśca tayorvipāka itīdaṁ bodhisattvasyādikṣānticittam ||

2 | kṣāntyācaraṇahetoḥ pāpakaṁ vidurī bhavati | kāyacittaṁ praśāntaṁ bhavatītyasyātmalābhaḥ | vinayati sattvānanuvartate sarvāniti paralābhaḥ | caritvā mahatīmanuttarāṁ kṣānti sattveṣu pariṇāmyātmanā salābhinaḥ karotītyubhayalābhaḥ | kṣānticaryāhetorlabhate janamataṁ yāvallabhate buddhasya śobhanottamāni lakṣaṇānuvyañjanānīti niṣpādayati bodhimārgam ||

3 | kṣāntistrividhā | tadyathā kāyakṣāntirvākkṣānti rmanaḥkṣāntiśceti | kā nāma kāyakṣāntiḥ | yadi kaścanākrośati nindati tāḍayati yāvatāharati tatsarvaṁ kṣamate | paśyansattvānatrāṇe bhaye ca vyatiharati tairātmānaṁ na ca śrāmyatīti kāyakṣāntiḥ ||

4 | kā nāma vākkṣāntiḥ | ākrośakaṁ paśyanna pratyākrośati niḥśabdaṁ kṣamate | ākośakamakāraṇamapyupagataṁ vilokayanmadhurayā girā sampratīcchati | mṛpaiva dūṣyamāṇo nirnimittamabhyākhyātaḥ sarvaṁ kṣamata iti vākkṣāntiḥ ||

5 | kā nāma manaḥkṣānti | dveṣiṇamavalokayannodgṛhṇāti dvepacitaṁ kopito na vikarotyātmacittam | nindāpakīrtiṣvati citte bhavati nivaira iti manaḥkṣānti ||

6 | tāḍitaṁ jagati dvividham | ucitamanucittaṁ ca | satyaparādhe saṁdihānena kena cijjanena tāḍitaḥ kṣametāmṛtamivodgṛhṇīyādādaramutpādayettāḍayitari | kasmāt | sādhu śīlaṁ śikṣayanmāṁ cikitsati pāpādapanayati | yadyanucitameva māmapakaroti māmapahanti tadā cintayenna kṛto mayāparādho'tītakarmaṇāmevaitatkāritaṁ tena soḍhavyameca | punarevaṁ vibhāvayedyatvāri bhūtānīmāni pañcaskaṁghapratyayairabhisaṁhatāni yāni tāḍayante tāḍayanti ca | punarevaṁ paśyedyatsa puruṣo'jña ivonmatta iveti mayā karuṇāyitavyaṁ kimuta na kṣantavyam ||

7 | ākrośo dvividhaḥ | ucito'nucitaśca | ucitamuktaṁ cenmayāpatraptavyam | anucitamuktaṁ cenmavā na kiṁcidapi kartavyam | dhavaniriva vāyuriva cātigacchannāpakaroti māmiti soḍhavyam | dviṣṭo'pyevameva soḍhavyaḥ | kupito mayi mayā soḍhavyaḥ | ahaṁ cettaṁ pratikupyeyaṁ durgatimadhigaccheyamanāgate'dhvani vedayeyaṁ mahāduḥkham | pratyayairebhirmama kāyaścedbhidyeta viśīryeta mayā notpādanīyo dvepaḥ | pratyayānāmatītakarmaṇāmetaditi gambhīraṁ pratyavekṣaṇīyam karūṇācaraṇīyā maitrī ca | karuṇāyitavyaṁ sarveṣu | yadyehaṁ na prabhavāmyevamalpamapi duḥkhaṁ soḍhuṁ na ca śaknomi damayituṁ svacittaṁ tatkathamahaṁ prabhaviṣyāmi vinetuṁ sattvānvimocayituṁ sarvānakuśaladharmānpūrayitumanuttaraṁ falam ||

8 | yo hi dhīmānsukhena kṣāntimācarati labhate sa ākāravaiśiṣṭyam | bahudhanau bhavati janāstamavalokya muditā bhavanti sukhitāśca bhavanti sukhitāśca bhavanti mānayantyanu vartante ca | puruṣaṁ cedvikalāṅgaṁ paśyedvībhatsadarśanaṁ vikalendriyamakiñcanaṁ jāniyāttadidaṁ dvepapratyayaiḥ kāritam | ebhiḥ pratyayai dhīṁmānācaredgambhīrāṁ kṣāntim ||

9 | kṣāntyutpādapratyayasya santīmāni daśa vastūni | ātmani nātmalakṣaṇaṁ paśyatīti prathamam | na jātimedaṁ manasi karotīti dvitīyam | pratinivartate madamānāditi tṛtīyam | apakurvantaṁ na pratyayakarotīti caturtham | anityalakṣaṇaṁ paśyatīti paṁcamam | maitrī karuṇā cācaratīti ṣaṣṭham | na cittena pramādyatīti sanamam | upekṣate kṣutpipāsāduḥkhaduḥkhādīnītyaṣṭamam | dvepaṁ prajahātīti navamam | prajñā bhāvayatīti daśamam | puruṣaścedimāni pūrayati daśa vastṛmi jñātavyaṁ śaknoti sa puruṣaḥ kṣāntimācaritum ||

10 | bodhisattvo mahāsattvaḥ pariśuddhāyāṁ yadācarati caramāyāṁ kṣāntau praviśate śūnyatāmalakṣaṇamapraṇihitamasaṁskṛtam | na ca dṭaṣṭijñānapraṇihitasaṁskṛtaiḥ saṁpariṣvakto bhavati nāpi ca śūnyatā'lakṣaṇāpraṇihitāsaṁskṛteṣu rajyati | dṛṣṭijñānapraṇihitasaṁskṛtaṁ sarvamevaśūnyamityevaṁvidhā kṣāntiradvayalakṣaṇā pariśuddhā caramā kṣāntirityucyate |
yadi viśati saṁyojanaparikṣayaṁ yadi viśati śāntaṁ nirvāṇamasaṁpṛktajātimaraṇaṁ na cāsya rāgo bhavati saṁyojanakṣaye na ca śānte na nirvāṇe | saṁyojanajātijarāmaraṇaṁ sarvaṁ śūnyamityevaṁvidhā kṣāntiradvayalakṣaṇā pariśuddhā caramā kṣāntirityucyate |
bhāvo na svato jāyate na parato jāyate na dvābhyāṁ jāyate | api ca nāstyupādo na cocchedo na ca vināśo na cāvināśo na kṣaya ityevaṁvidhā kṣāntiradvayalakṣaṇā pariśuddhā caramā kṣāntirityucyate |
na kṛtākṛtaṁ nāsaṁgo na bhedo na niṣpattirna caryā notpādavīryaṁ na karaṇotpāda ityevaṁvidhā kṣāntiranutpādakṣāntiḥ | bodhisattvo yadācaratyevaṁvidhāṁ kṣānti labhate vyākaraṇakṣāntim | bodhisattva ācarati kṣāntiṁ bhāvalakṣaṇaśūnyatāṁ sattvābhāvahetaustataḥ pūrayāte kṣāntipāramitām ||

( iti bodhicittotpādasūtraśāstre kṣāntipāramitā māna ṣaṣṭho vargaḥ || )

saptamo vargaḥ

saptamo vargaḥ

vīryapāramitā
1 | bodhisattvaḥ kathamācarati vīryam | vīryamātmaparobhayalābhāyacedevaṁvidhaṁ vīryaṁ niṣpādayati bodhimārgam | bodhisattvaḥ kāmayate vinetuṁ sattvānāparhatuṁ duḥkhānyācarati tasmādvīryam | vīryamācaransarvādhvasu sarvadotsāhacaryayā saṁgṛhṇāti pariśūddhaṁ brahmacaryaṁ pariharati kausīdyaṁ na ca cittena pramādyati | kṛcchreṣvahitāpakṣavastuṣu sarvadāsya vīryavattayā cittaṁ nāntataḥ pratyāvartata iti bodhisattvasyādi vīryacittam ||
2 | vīryācaraṇena labhate lokacaraṁ lokottaramanuttaraṁ saddharmamityasyātmalābhaḥ | śikṣayati sattvānyenācaraṁtyabhyutsāhena kuśalamiti paralābhaḥ | caritvā bodheḥ samyaghetuṁ sattveṣu pariṇāmyātmanā salābhinaḥ karotītyubhayalābhaḥ | vīryacaryāhetorlabhate paramapariśuddhaṁ satfalamatikramya ca bhūmī ryāvacchīghraṁ pūrayati sambodhimiti niṣpādayati bodhimārgam ||
3 | vīryaṁ dvividham | gavepayatyanuttaraṁ mārgamiti prathamam | paritrātuṁ duḥkhādvipulābhilāpeṇa vīryaṁ janayatīti dvitīyam | pūrayanbodhisattvo daśānusmṛtīrutpādayati bodhicittam | ācarati vīryam | kā daśānusmṛtayaḥ | prathamā buddhānusmṛtiraprameyapuṇyā | dvitīyā dharmānusmṛtiracintyavimuktiḥ | tṛtīyā saṁghānusmṛtiḥ pariśuddhatayā niṣkalaṁkā | caturthī mahāmaitryanusmṛtiḥ sattvavyavasthāpanāya | paṁcamīmahākaruṇānusmṛtirduḥkhataḥ paritrāṇāya | ṣaṣṭhī samyaksamādhiskandhānusmṛtiranurocayituṁ kuśalācaraṇāya | saptamī mithyāsamādhiskandhānusmṛtiruddhartuṁ ( sattvān kuśala- ) mūlaṁ pratyānayanaya | aṣṭamī pretānusmṛtiḥ kṣutpipāsoṣṇatākleśamayī | navamī tiryaganusmṛti dīrghaduḥkhavedanātmikā | daśamī narakānusmṛtirdāhanabharjanavedanātmikā | bodhisattva evaṁ bhāvayati daśānusmṛtīstriratnapuṇyāni | bhāvayeyamahaṁ samyaksamādhi maitrī karuṇāṁ (tatra) sattvānārocayeyamahaṁ mṛṣā dhyāyatastridurgatiduḥkhāduddhareyaṁ nityamahaṁ parirakṣayeyamityevaṁ cintayati | saṁcintayannavikṣitaṁ divānaktaṁ bhāvayati sotsāhaṁ na ca viśrāmyatīti samyaksmṛtitā vīryaṁ samudeti ||
4 | vīryaṁ puna rbodhisattvasya caturvidham | tathāhi | catuḥsamyakpradhāna [ prahāṇa ] mārgamācarato'nutpannānāmakuśalānāṁ dharmāṇāṁ punaranutpādaḥ | utpannānāṁ punarakuśalānāṁ dharmāṇāṁ śīghraṁ samprahāṇam | anutpannānāṁ kuśalānāṁ dharmāṇāmupāyena samutpādaḥ | utpannānāṁ kuśalānāṁ dharmāṇāṁ paripūraṇaṁ saṁvarddhanaṁ ca | evaṁ bodhisattva ācarati catvāri samyakpradhānāni na ca viśrāmyatītyucyate vīryam |
5 | vīryaṁ kṣapayati sarvakleśadhātūnsampravardhayati bodheranuttarāyāḥ samyaghetum | kāyacittamahāduḥkhānyakhilānyapi sahamāno bodhisattvo'vasthāpayitumamilapati sattvānna ca viśrāmyatītyucyate vīryam ||
6 | bodhisattvaḥ vigatakalmapo'cāṭukuṭilaḥ paryavasitamithyāvīrya ācarati samyagvīryam | tathāhi | ācarati śraddhāṁ dānaṁ śīlaṁ kṣāntiṁ dhyānaṁ prajñāṁ maitrī karuṇāṁ muditāmupekṣām | sābhilāṣaṁ karogyakaravaṁ kariṣyāmīti viśvastacittaḥ sarvadācarati vīryam | nānutāpo'sya kuśaladharmeṣu | pradīptaśira iva paritrāyate sattvānna ca cittaṁ parāvartayatītyucyate vīryam ||
7 | kāyajīvitanirapekṣo'pi bodhisattvaḥ paritrātuṁ (sattvān) duḥkhebhyaḥ paripālayatuṁ saddharmaṁ kāyamapekṣate nopekṣata īryāpathaṁ sarvadā bhāvayituṁ kuśaladharmān | kuśaladharmācaraṇakāle na cittena kusīdo bhavati | kāyajīvitavidhāte'pi dharmaṁ na parityajatīti bodhisattvo bodhimārgaṁ caransotsāhamācarati vīryam | kusīdaḥ puruṣo'samartho naikakālaṁ sarvaṁ dadāti na ca śīlamudgṛṇāyi na ca kṣamate duḥkhāni na cācaratyabhyutsāhena vīryam | na ca samādhau smṛtisaṁprajanyacitto bhavati na ca kuśalākuśalaṁ vivinakti | tenocyate dhīryamupādāya ṣaṭpāramitāḥ saṁpravardhanta iti | bodhisattvo mahāsattvaḥ saṁpravardhayati ced vīryaṁ labhate'cirāt samyaksaṁvodhim ||
8 | bodhisattvo mahāniṣpattyutpādena punaścaturvidhaṁ vīryaṁ janayati | tanna prathamamutpādayati mahāniṣpattiṁ dvitīyaṁ saṁgṛhṇāti śūraṁgamaṁ tṛtīyamācarati kuśalamūlaṁ caturthaṁ vinayati sattvān | kathaṁ bodhisattvomahāniṣpattimutpādayati | jātimaraṇeṣu kṣamate'sya cittaṁ na ca gaṇayati kalpasaṁkhyāmaprameyeṣvaparyanteṣu niyutakoṭiśatasahasragaṁgānadībālukāvadasaṁkhyeyeṣu kalpeṣu buddhamārgamudgrahīṣyāmyaklāntacitta ityakusīdasya [ mahā ] niṣpattivīryam | bodhisattvaḥ saṁgṛhṇañchūraṁgamaṁ janayati vīryam trisāhasramahāsāhasro'yaṁ lokadhātuḥ paripūrṇo'nnineti draṣṭuṁ buddhaṁ śrotuṁ dharma sthāpayituṁ sattvānkuśaladharmeṣvatikrāmatyetamagniṁ vinetuṁ sattvān saṁpratiṣṭhāpayati cittaṁ mahākaruṇāyāmiti śūraṁgamavīryam | bodhisattva ācarankuśalaṁmūlaṁ janayati vīryam | utpāditāni sarvāṇi kuśalamūlāni pariṇāmayatyanuttarāyāṁ samyaksaṁbodhau paripūrayituṁ sarvajñatāmiti kuśalamūlācaraṇavīryam | bodhisattvaḥ vinayansattvāñjanayati vīryam | aprameyāḥ sattvabhāvā aparyantā ākāśadhātusamā aparisaṁkhyeyāḥ | bodhisattvaḥ praṇidadhāti yannirvāpayitavyānte yathā na kaścanāvaśiṣyate | nirvāpayituṁ sotsāhamācarati vīryamiti [sattva-] vinayavīryam ||
9 | saṁkṣepata ucyate | bodhisattvo bhāvayati mārgasahāyāṁ puṇyasahāyāmanuttarāṁ prajñām | saṁgṛhṇanbuddhadharmānutpādayati vīryam | aparyantā buddhaguṇāaprameyāḥ | bodhisattvasya mahāsattvasya mahāniṣpatyutpādena janitaṁ vīryamapyeṣamaparyantamaprameyam | bodhisattvo mahāsattvo vīryamācarannaviraktacittobhavatyuddhartuṁ duḥkhānīti pūrayati vīryapāramitām ||
( iti bodhicittotpādasūtraśāstre vīryapāramitā māna saptamo vargaḥ || )

aṣṭamo vargaḥ

aṣṭamo vargaḥ
dhyāmapāramiatā
1 | bodhisattvaḥ kathamāvarati dhyānam | dhyānamātmaparobhayalābhāya cedevaṁvidhaṁ dhyānaṁ niṣpādyati bodhimārgam | bodhisattvaḥ kāmayate vinetuṁ sattvānaparhatuṁ duḥkhānyacarati tasmāddhyānam | yogāvacaraḥ svacittaṁ saṁgṛhṇan sarvavikṣepaikhyavahito gacchantiṣṭhanniṣīdañchayāno vā smṛtimabhimukhīmupasthāpayati | paśyatyanulobhaṁ pratilobhaṁ kapālaṁ śīrṣa kaśerukāṁ bāhkurparamuraḥ parśakāṁ śroṇi kaṭaṁ jānvadharaṁ gunfau | anusmaratyānapānamiti bodhisattvasyādidhyānacittam ||
2 | dhyānacaryāhetorna prāpnotyakuśalāni sadāsya nandati cittamityasyātmalābhaḥ | vinayansattvānācārayati samyaksmṛtimiti paralābhaḥ | caritvā pariśuddhaṁ samādhiṁ vītākuśalavitarkavicāraḥ sattveṣu pariṇāmyātmanā salābhinaḥ karotītyubhayalābhaḥ | dhyānacaryā hetorlabhate'ṣṭau vimokṣānyāvacchraraṁgamavajasamādhimiti niṣpādayati bodhimārgam ||
3 | dhyānaṁ tribhirdharmairupajāyate | ke vayaḥ | prathamaḥ śrutamayī prajñā | dvitīyaścintāmayī prajñā | tṛtīyo bhāvanāmayī prajñā | tribhirebhirdharmaiḥ krameṇopajāyante sarvasamādhayaḥ ||
4 | kā nāma śrutamayī prajñā | yathā yathā dharmāñcaṇoti tathā tathasya cittṁ prītaṁ bhavati sukhitam | punarevamanusmarati santyānantaryavimokṣādayo buddhadharmāḥ | ime dharmā bahuśratenāvāpyante | evamanusmmṛtya sarvadā dharmagaveṣaṇākāle'syottarottasmutsāhaḥ saṁpravardhate 'horātraṁ dharmaśravaṇe'syābhirucirbhavati na ca klāntirnāpyasyatuptiriti śrutamayī prajñā |
5 | kā nāma cintāmayī prajñā | cintayati sarve saṁskṛtadharmāstathatālakṣaṇāḥ | tathā hi | anityā duḥkhāḥ śūnyā anātmāno'śucayaḥ kṣaṇaṁ kṣaṇamutpadyante nirudhyante'ciraṁ pamohāgninā jvalitāḥ saṁvarddhayanti paścimaṁ duḥkhamahāskandham | māyāvanmṛṣeva bhāgha it sarveṣu saṁskṛtadharmeṣu janayati saṁvegam | samadhikotsāhaṁ gacchati buddhaprajñām | cinayati yattathāgatāprajñā'cintyā'parimeyā mahābalā'parājitā prāptā'pagatabhayasparśāṁ mahānagarī na ca punarāvartate duḥkhebhyo'prameyebhyaḥ sattvānaparitrāyate | evaṁ jānāti buddhasyāprameyāṁ praġyāṁ paśyati saṁskṛtadharmāṇāmaparimeyadu| kāmayate gaveṣayitumanuttaraṁ mahāyānamiti cintāmayī pajñā ||
6 | kā nāma bhāvanāmayī prajñetyucyate | tyajati rāgamakuśalāṁśca dharmān | tenopajāyante'sya vitarkavicāraprītisukhāni viśati prathamaṁ dhyānam | kṣapayato vitarkavicāran prasannabhyantarastaikāgracittasyāvitarkavicāraḥ samādhirasyopajāyate saprīti śukhaṁ viśati dvitīyaṁ dhyānam | prīti parityajyopekṣāsaṁskāravān smṛtisaṁprajanyacittaḥ kāye śukhaṁ vedayakṣāryābhilāpepekṣārhāṁ nityamanusmaransukhāṁ vedanāṁ viśati tṛtīyaṁ dhyānam prajahāti duḥkhaṁ prajahāti śukhaṁ niruṇaddhi śokaṁ prīti viśatyaduḥkhamśukhamupekṣāsmṛtipariśūddhaṁ caturthaṁ dhyānam |
atyetisarvaṁ rūpalakṣaṇam | niruṇaddhi sarvaṁ pratighalakṣaṇaṁ nānusmarati viṣabhāgalakṣaṇaṁ tena jānatyākāśamanantam | tataḥ praviśatyakāśamarūpadhyānāyatanam | atyeti sarvamākāśalakṣaṇaṁ tena jānāti vijñānamanantam | tatapraviśati vijñānamrūpadhyānāyatanam | atyeti sarvaṁ vijñānalakṣaṇaṁ tena jānātyākiṁcanyam | tena jānan nevasaṁjñānāsṁjñāsparśaṁ tataḥ praviśati naiva saṁjñānāsaṁjñāyatanam | sarvadharmānkevalamanusmarañcarati na ca rajyati gaveṣayatyanuttaraṁ mahāyānam | pūrayatyanuttarāṁ samyak sambodhimiti bhāvanāmayī praġyā |
bodhisattvaḥ śrutena cintayā bhāvanayā ca saṁgṛhṇāti cittam | tataḥ pūrayati [ṣaḍ] abhijñā [stisro ] vidyāḥ samādhi dhyānapāramitām ||
7 | dhyāyanbodhisattvaḥ punarācarati daśadharmāñchrāvakapratyekabuddhāveṇikān | ke deśa | dhyāyannairātmyamavāpnoti tathāgatadhyānānīti prathamaḥ dhyānna ca sakto na ca rakto na ca bhavati kliṣṭacitto na ca gaveṣayatyātmasukhamiti dvitīyaḥ | dhyāyannavāpnotyuddhikarmāṇi pariġyātuṁ sattvānāṁ cittacaryāmiti tṛtīyaḥ | dhyānprajānāti janakāyacittāni paritrāyate ca sarvasattvāniti caturthaḥ | dhyāyānnācarati mahākaruṇāṁ chinatti sattvānāṁ kleśagranthimiti paṁcamaḥ | dhyāyandhyānasamādhiṁ samyagjānāti prameśanirgamamatikrāmyati tridhātumiti ṣaṣṭaḥ | dhyāyannityamulabhate vaśitāmavāpnoti kuśaladharmāniti saptamaḥ | dhyāyañcitaṁ śāntaṁbhavati nirvṛttaṁ yānadvayasyātikrāmyati sarvāṇi dhyānānītyaṣṭamaḥ | dhyāyannityaṁ viśati prajñāṁ lokamatikramyāvapnoti tatpadamiti navamaḥ | dhyāyanpratiṣṭhāpayati saddharmaṁ nirantaraṁ saṁvarddhayati triratnaṁ yena bhavatyanucchinnamiti daśamaḥ | bhavati caivaṁvidhaṁ dhyāaṁ śrāvakapratyekabudhāvenīkam ||
8 | jñātuṁ punaḥ sarvasattvānāṁ kliṣṭacittāni saṁgṛhṇāti sarvadhyānasamādhidharmān cittasthairyaṁ vidhātuṁ | dhyāyānpratiṣṭhāpayati cittasamatāmityucyate dhyānam | evaṁ samatā hyānaṁ samaṁ śūnyatayā 'lkṣaṇatayā 'praṇihitatayā 'kriyayā | śūnyatā khalvalakṣaṇāpraṇihitākriyābhiḥ samā tena sattvā api samāḥ | yataḥ sattvāḥ | yataḥ sattvāḥ samāstena dharmā api samāḥ | iti viśatyevaṁvidhāṁ samatāmiti dhyānam ||
9 | punarbodhisattvo lokamanucarannapi na ca bhavati lokasaktaḥ prajahātyaṣṭau lokadharmānvināśayati sarvagranthiṁ tyajati janāvāsaṁ rocate'sya viviktāyatanam | evaṁ dhyānamācarataścittaṁ saṁpratiṣṭhitaṁ bhavati prajahāti saṁsārakarmāṇi ||
10 | punarbodhisattvasya dhyānamācarata ṛddhirbhavati prajñopāyo matiḥ kathaṁ bhavatyṛddhi kathaṁ prajñā | paśyati cedrūpalakṣaṇam śṛṇoti śabdaṁ jānāti paracittaṁ smaratyatītaṁ prāpnoti sarvabuddhalokadhātūntadasyārddhiḥ | rūpaṁ jānāti ced dharmasvabhāvaṁ jānāti śabdagaṁndharasaspraṣṭavyacittasaṁskārāḥ svabhāvālakṣaṇāḥ śāntāḥparinirvṛtāstriṣvadhvasu samā iti | ākāśalakṣaṇaṁ jānāti buddhalokadhātumapariprāptanirodhamitiprajñā | kathamupāyaḥ kaṁtha matiḥ | dhyānasamādhimanuviśannutpādayati mahāmaitrīṁ karuṇāṁ na jahāti prāṇidhānaṁ vajramiva bhavati cāsya cittamavalokayanbuddhalokadhātu niṣpādayati bodhimārgamityupāyaḥ | cittaṁ sarvathāsyabhavati śāntam | na cātmāna ca pudgala iti cintayati sarvadharmānmūlasvabhāvāvikṣepān | paśyati buddhalokadhātumākāśalakṣaṇam yanniṣpannaṁ tatpaśyati śāntaṁ nirvāṇamiti matiḥ |
iti bositvaścarandhyānamṛddhi prajñāmupāyaṁ mati ca vibhajya caturvastūnyācaratyavāptotyanuttarāṁ samyaksambodhim | bodhisattvo mahāsattvo dhyānamācarannopalabhate'kuśalacittamakṣomyadharmatayā paripūrayati dhyānapāramitām ||
( iti bodhicittotpādasūtraśāstre dhyānapāramitā nāmāṣṭamo vargaḥ |)

navami vargaḥ

navami vargaḥ

prajñāpāramitā

1 | bodhisattvaḥ kathaṁ bhāvayati prajñām | prajñā hyātmaparābhayalābhāyacedevaṁvidhā prajñā niṣpādayati bodhimārgam | bodhisattvaḥ kāmayate vinetuṁ sattvānaparhatuṁ duḥkhāni bhāvayati tasmātprajñām | bhāvayanprajñāṁ śikṣate sarvalokadhātuvastūni | prajahāti lobhadvepamohān pratiṣṭhāpayati mahāmaitrīm | karuṇāyamāna upakaroti sattvān | nityaṁ paritrātumicchaṁsteṣāṁ pariṇāyako bhavati | vibhajya deśayati sadasanmārgaṁ kuśalākuśalāśca vipākāniti bodhisattvasyādiprajñācittam ||
2 || prajñābhāvanāhetoḥ prajahātyavidyām | apākurute kleśāvaraṇaṁ jñeyāvaraṇamityasyātmalābhaḥ | vinayansattvānparisāntvayatīti paralābha| carittvānuttarāṁ bodhiṁ sattveṣu pariṇāmyātmanā salābhinaḥ karotītyubhayalābhaḥ | prajñābhāvanayā prāpnoti prathamāṁ bhūmi yāvatsarvajñatāmiti niṣpādayati bodhimārgam ||
3 | prajñāṁ bhāvayanbodhisattvaḥkrameṇa pratiṣṭhāpayati viśati cittāni | kāni viśatiḥ | (1) kuśalakāmānutpādayato'sya kalyāṇamitrānutsargacittam | ( 2 ) madamānaṁ parityajato'syāpramādacittam | (3) anucarataḥ sikṣāpadāni prītaṁ dharmaśravaṇacittam | (4)dharmāñchṛṇvato'viśrāntaṁ kuśalacintācittam | (5) bhāvayataścaturi brahmavihārānsamyagjñānacittam | (6) paśyato'śūcicaryāṁ tataḥ śrāmyataḥ parityāgacittam | (7) paśyata āryasatyāni poḍaśākāraṁ cittam | (8)paśyato dvādaśāṅgapratītyasamutpādaṁ bhāvayataḥ prajñācittam | (9)śrṛṇvataḥ pāramitāḥ tatsaṁgrahakāmacittam | (10) anityaduḥkhānātmatāṁ paśyataḥ śāntaṁ nirvāṇaṁ cittam | (11) paśyataḥ śūnyamalakṣaṇamapraṇihitaṁ niṣkriyacittam | (12) paśyataḥ skandhadhātvāyatanāni bhūya ādīnavacittam (13)kleśāñjayato'sahacaracittam | (14) pālayataḥ kuśaladharmānātmasahacaracitam | (15) nivārayato'kuśaladharmānprahāṇacittam | (16)ācarataḥ samyagdharmaṁ vipulacittam | ( (17) ācarato yānadvayamapi nityamupekṣācittam | (18) śrṛṇvanbodhisattvapiṭakaṁ pramodānusaraṇacittam | (19) svalābhaparalābhāvanusaṁvardhayataḥ sarvakuśalakarmacittam | (20) gṛhṇataḥ sucaritaṁ sarvabuddhadharmagaveṣaṇācittam ||
4 | punaḥkhalu prajñāṁ bhavayato bodhisattvasya bhavanti daśadharmāḥ kuśalacintācittāḥ śrāvakapratyekabuddhāveṇikāḥ | ke daśa | (1)vibhajya cintayati samādhiprajñāmūlam | (2)cintayanna parityajati śāśvatocchedāntadvayam | (3) cintayati pratītyasamutpādadharmān | (4) cintayati na sattvo nātmā na pudgalo na jīva iti | (5) cintayati na santi triṣvadhsvātītānāgatapratyutpannadharmāḥ | (6) cintayatyanutpannamapi karma nocchinatti hetufalam | (7) cintayam dharmān śūnyanapya kusīdaścāvaropayati kuśalam | (8) cintayatyalakṣaṇaṁ na ca pratinivartate nirvāpayituṁ sattvān | (9) cintayannapyapraṇihitaṁ na jahāti gaveṣayituṁ bodhim | (10 ) cintayannapyakṛtaṁ na pariharati prakāśayituṁ sāṁbhogikaṁ kāyam ||
5 | punaḥ khalu bodhisattvasya dvādaśa bhavanti kuśalāvatāradharmamukhāni (1) śūnyatādisamādhiṣvavatārakuśalo'pi na (tān) gṛhṇāti | (2) dhyānasamādhiṣvavatārakuśalo'pi na yathādhyānaṁ tatropapadyate | (3) ṛddhijñāneṣvavatārakuśalo'pi nānāsravān dharmān labhate | (4) adhyātmaparyavekṣaṇadharmeṣvavatārakuśalo'pi na teṣu niścayamanuprāpnoti | (5) sarvasattvaśūnyatādṭaṣṭāvavatārakuśalo'pi nopekṣate mahāmaitrīm | (6) sarvasattvānātmatādṭaṣṭavavatārakuśalo'pi nopekṣate mahākaruṇām | (7) durgayupapattāvatārakuśalo'pi na sa karmanimittaṁ tatropapadyate| (8) vairāgyāvatārakuśalo'pi na vairāgyadharmān pratilabhate | (9)kāmasukhaparityāgāvatārakuśalo'pi nopekṣate dharmasukham | (10) prapaṁcamatavādaparityāgāvatārakuśalo'pi nopekṣate upāyadṭaṣṭīḥ | (11) bahvādīnavāḥ saṁskṛta dharmā ityanucintanāvatārakuśalo'pi nopekṣate saṁskṛtam | (12) paramapariśuddheṣvasaṁskṛtadharmeṣvavatārakuśalo'pināsaṁskṛte pratiṣṭhito bhavati | bodhisattvaścetsarvakuśalāvatāradharmamukhānyācarati samyagjānāti śūnyatāṁ triṣvadhvasu ba kiciditi ||
6 | yadi caivaṁ paśyati paśyati triṣvadhvasu śūnyatāṁ prajñābalahetoḥ | yadi cāvaropitāni triṣvadhvasu tathāgatairaprameyāṇi puṇyānyakhilaṁ pariṇāmayatyanuttarāyāṁ bodhau tadevaṁ bodhisattvaḥ saṁpaśyati triṣvadhvasūpāyam|
punarapi paśyannatītāndharmānkṣapitānanāgatānnāgatānsadaivācaratikuśalaṁ parākramate na ca kusado bhavati | anutpannānapi paśyannagatāndharmānparākramate kāmayate bodhim | kṣaṇaṁ kṣaṇaṁ nirudhyamānānpaśyannapi pratyutyannāndharmān bodhimupagantuṁ na cāsya cittavismṛtirityevaṁ bodhisattvaḥ paśyati triṣvadhvasūpāyam |
niruddhamatītaṁ nāgatamanāgatamasthiraṁ pratyutpannam | api ca paśyandharmāñcittacaittānutpadyamānānnirudhyamānānviśīryamāṇānpūyamānānnopekṣate saṁgrahītuṁkuśalamūlāni | upacarati bodhidharmānityevaṁ bodhisattvaḥ paśyati triṣvadhvasūpāmam |
7 | punaḥ khalu bodhisattvaḥ paśyati sarvaṁ kuśalamakuśalamātmānamanātmānaṁ bhūtamabhūtaṁ śūnyamaśūnyaṁ saṁvṛtaṁ paramārthaṁ samyaksamādhi mithyāsamādhi saṁskṛtamasaṁskṛtaṁ sāsravamanāsravaṁ kṛṣṇadharmaṁ śukladharmaṁ jātimaraṇaṁ nirvāṇaṁ dharmadhātusvabhāvamekalakṣaṇamalakṣaṇam | na ca tatra dharmā ityucyate'lakṣaṇamiti | api nāma kaścana dharmo yohyalakṣaṇo nāmetyucyate sarvadharmamudrākṣayāmudrā | āsu mudrāsu na mudrālakṣaṇamityucyate satyaṁ bhūtaṁ prajñopāyaḥ prajñāpāramitā |
utpāditabādhicettena bodhisattvenaivaṁ śikṣiotavyamevaṁ bhāvayitavyam | evaṁ bhāvayannavāpnotyanuttarāṁ samyaksambodhim | bodhisattvasya mahāsattvasya prajñāṁ bhāvayato na cittaṁ carati dharmatāyāḥ pariśuddhatvāt | evaṁ paripūrayati prajñāpāramitām ||
( iti bodhicittotpādasūtraśāstre prajñāpāramitā nāma navamo vargaḥ || )

daśamo vargaḥ

daśamo vargaḥ

tathātādharmamukhaṁ

1 | kulaputreṇa kuladuhitrā vā caratā ṣaṭ pāramitā gaveṣayatā'nuttarāṁ samyaksaṁbodhiṁ prahātavyāḥ sapta dharmāḥ | katame sapta | prathamaṁ prajahātyakalpāṇamitrāṇi | akalyāṇamitrāṇi śikṣayanti parihartamanuttarāṁ śraddhāmudāttaṁ saṁkalpamanuttamaṁ vīryaṁ samuccetuṁ ca saṁkliṣṭācārān | dvitīyaṁ prajahāti strīrūpaṁ kāmarāgaṁ pṛthagjanairvivikto bhavatyasahacaraḥ | tṛtīyaṁ paśyannātmānamābhāsaṁ prajahātyasadgrāhaṁ snehabahumānānurāgāṁściraṁ sthāsyatīti | caturthaṁ prajahāti dveṣapratidhamauddhatyaṁ mānamīrṣvāmasūyāṁ yato jayate kalahaḥ pratihanyate kuśalacittam | pañcamaṁ prajahāti pramādaṁ madamānaṁ kausīdyaṁ svakaṁ parittakuśalaṁ ca yenāvajānāti parān | ṣaṣṭhaṁ prajahāti tairthikāgamaṁ kāvyāni na cābuddhabhāṣitāni praśaṁsati | saptamaṁ nopagacchati mithyādṭaṣṭimasamyagdṭaṣṭim | evamime saptadharmāḥ prahātavyāḥ | uktaṁ bhagavatā na paśyāmi tathānyāndharmānya āvṛṇvanti buddhamārgaṁ yatheme saptadharmāḥ| ataeva bodhisattvena prahātavyāḥ ||

2 | aciramanuttarāṁ sambodhimabhisamboddhukāmenācaritavyāḥ saptadharmāḥ | ke sapta | prathamaṁbodhisattvenopagantavyāni kalpāṇa mitrāṇi | kalpāṇamitrāṇi buddhā bodhisattvāśca | śrāvakā api bodhisattvaṁ gambhīradharmakośe pāramitāsu saṁpratiṣṭhāpayanto bhavanti bodhisattvasya kalpāṇamitrāṇi | dvitīyaṁ bodhisattvenopacaritavyāḥ pravrajitā āraṇyakadharmāśca | mātṛgrāmaḥ prahātavyaḥ kāmarāgaśca | vivikttena bhavitavyaṁ pṛthagjanairasahacareṇa | tṛtīyaṁ bodhisattvena draṣṭavyaḥ kāyo malabhūmivadaśucisaṁśrayaḥ kevalaṁ vātaśleṣmapittalohitakamarāgārho dine dine maraṇonmukho'nādarabuddhyā parihartavyaḥ sotsāhaṁ bhāvayitavyo mārgaḥ | caturthaṁ bodhisattvena nityaṁ caritavyā śāntiḥ kṣāntirgurukaraṇīyā mṛdutāca | śikṣayitavyāḥ kṣāntau sthāpayitavyāśca janāḥ | paṁcamaṁ bodhisattvenācaritavyaṁ vīryamutpādayitavyā hrīrapatrapā ca pūjayitavya upādhyāyaḥ karuṇāyitavyā dīnā duḥkhitāndṭaṣṭrā svakāyena parigrahītavyaṁ tadduḥkham | ṣaṣṭhaṁ bodhisattvenabhāvayitavyaṁ vipulaṁ mahāyānabodhisattvapiṭakaṁ grahītavyā dhārayitavyā vācayitavyā dharmmā buddhānuśaṁsitāḥ | saptamaṁ bodhisattvenopagantavyaṁ bhāvayitavyaṁ paramārthasatyam | tathāhi | bhūtalakṣaṇamekalakṣaṇamalakṣaṇam bodhisattvaścetkāmayate śīghramabhisambodhimabhyupagantavyā evamime sapta dharmāḥ |

3 | punaḥ khalu puruṣaḥ prāptihetorutpādayati ced bodhicittamaprameyamasaṁkhyeyaṁ kalpaṁ saṁgṛhṇati maitrīṁkaruṇāṁ muditāmupekṣāṁ dānaṁ śīlaṁ kṣāntiṁ vīryaṁ dhyānaṁ prajñām | jñātavyaṁ na sa puruṣaḥ prajñahāti jātimaraṇam | na ca gacchati bodhim | tatkasya hetoḥ | [bodhi-] cittaprāptirapyasti prāptidṭaṣṭiḥ skandhadhātvāyatanadṭaṣṭirātmadṭaṣṭiḥ pudgaladṭasṭiḥ sattvadṭaṣṭi jīrvadṭaṣṭi maitrīkaruṇāmuditopokṣādānaśīlakṣāntivīryadhyānaprajñādidṭaṣṭiḥ | saṁkṣepata ucyate | buddhadharmasaṁghadṭaṣṭirnirvāṇadṭaṣṭirevaṁ yatkiñcatprāptavyadṭaṣṭiḥ sarvameṣa āsaṅga | cittāsaṁga evocyate mithyādṭaṣṭiḥ | kasmāt | puruṣā mithyādṭaṣṭayaścakavatparivartante trighātau sadaiva parihīyante vimukteḥ | ayamepa āsaṁgaḥ | na caivaṁ kadāpi nirmucyate| na cāpnuvantyayanuttarāṁ samyaksambodhim ||

4 | puruṣaścedutpādayati bodhicittaṁ draṣṭavyaṁ cittaṁ śūnyalakṣaṇam | kicittaṁ kathaṁ ca śūnyalakṣaṇam | cittaṁ nāma manovijñānamevaṁ vijñānaskandho mana āyatanaṁ mano dhātuḥ | cittaṁ śūnyalakṣaṇaṁ na cittaṁ cittalakṣaṇaṁ na ca kartṛ| kasmāt | yā cittalakṣaṇaśūnyatā sā na ca kartrī na ca kārayitrī | yadi kaścitkarttaiva nāsti na tarhi kartṛlakṣaṇam | yadi bodhisattvo jānātyevaṁ dharmānsarvadharmeṣvanāsakto bhavati | anāsaktiheto rna jānātikuśalākuśalafalavipāka iti ācaritāyāṁ maintryāṁ jānāti nāstyātmā | acaritāyāṁ karuṇāyāṁ na sattvāḥ | ācaritāyāṁ muditāyāṁ na jīvaḥ | ācaritāyāmupekṣāyāṁ na pudgalaḥ | ācarannapi dānaṁ na paśyati dānavastu | ācarannapi śīlaṁ na paśyati cittaviśuddhim | ācarannapi kṣāntiṁ na paśyati sattvān | ācarannapi vīryaṁ na jahāti rāgacitam | ācarannapi dhyānaṁ parityajati nākuśalacittam | bhāvayato'pi prajñāṁ na ca kācicittabhāvanā | sarvalaṁbanā sarvaprajñā na cāsaṅgo'sya prajñāyām | na ca prajñāvāptirna ca prajñā dṭaṣṭiḥ | ya ācaratyevamācarati prajñāṁ | na catasyācaritaṁ bhavati kiṁcita na cāpi nācaritaṁ bhavati kiṁcit | antaḥ pariśuddho'pi sa vinetuṁ sattvanācarati ṣaṭ pāramitāḥ | ya acaratyevaṁ bhāvayati cittaṁ kṣaṇamavaropitakuśalasyāpi tasya puṇyafalavipāko'prameyo'paryantaḥ | asaṁkhyeyaiḥ kalpakoṭiśatasahasrairapi na tasyāntaḥ | avāpnoti so'nāyāsenānuttarāṁ samyaksambodhim ||

( iti bodhicittotpādasūtraśāstretathatādharmamukhaṁ nāma daśamo vargaḥ || )

ekadaśo vargaḥ

ekadaśo vargaḥ

śūnyālakṣaṇaṁ

1 | ekasminsamaye bhagavānpurā viharati smaveṇuvane kalandakanivāpe mahatā [bhikṣu] saṁghena sārddhamaprameyeṇa | atha bhagavāndeśayituṁ saddharmamāmantrayati sma mahāsaṁgham | bhagavānavocat| sarvadharmā niḥsvabhāvāḥ śūnyā niḥsārā aśraddheyāḥ sarvalokaiḥ | tatkasya hetoḥ | rūpaṁ na bandho na mokṣaḥ | vedanā saṁjñā saṁskārāvijñānaṁ na bandho na mokṣaḥ | rūpalakṣaṇaṁ tyajati ca lakṣaṇam vedanāsaṁjñāsaṁskāravijñānanyalakṣaṇāni tyajanti ca kṣaṇāni | cakṣūrūpaśrotraśabdaghrāṇagandhajihvārasakāyaspraṣṭavyamanodharmā apyevam | na te grāhyā nopekṣyā na samalā na vimalā jagatā nānugatā na pratigatā nābhākharā na bhākharā na moho na prajñā na caipo'nto na so'nta nāpi ca madhyasrota iticocyate na bandhaḥ ||

2 | bandhābhāvācchūnyam | śūnyamucyate'lakṣaṇam | alakṣaṇamapi śūnyamityucyate śūnyam | śūnyamucyate'kṣaṇamakṣaṇamapi śūnyamityucyate śūnyam | śūnyakṣaṇamapi śūnyamityuccate śūnyam | śūnyatāyāṁna kuśakaṁ na cā kuśalaṁ na cāpi śūnyalakṣaṇamityucyate śūnyam | bodhisattvo yadyevaṁ jānāti skandhadhātvāyatanasvabhāvaṁ na cagṛhṇātītyucyate dharmakṣāntiḥ | bodhisattva evaṁvidhakṣāntihetoḥ prāpnot vyākaraṇakṣāntim ||

3 | buddhaputrāstathāhi bodhisattvo likhatyākāśe tathāgatasya dvādaśaṅġapravacanāni | atīteṣvaprameyeṣu kalpeṣu parinirvṛteṣu buddhadharmeṣu puruṣo dharmaṁ gaveṣayanna kicidapi paśyati na ca śrṛṇoti sattvā viparivartante kurvanto'prameyāṇyakuśalāni | punaranyataḥ pariśuddhaprajñajanāḥ karuṇāyante satveṣu gaveṣayanti buddhadharmāngatvā paśyantyākāśe likhitāni lekhaspaṣṭatayāvagacchanti vācayanti gṛhnanti dhārayanti yathābhāṣitamācaranti vibhajya prakāśayantyupakurvanti sattvān | yaśca likhatyākāśe yaśca jānātyākāśākṣarāṇi sa nu cintayituṁ śakyo yaśca vā prakāśayati deśayatyācarati gṛhṇāti dhārayati nayāte sattvānvimocayati vandham ||

4 | buddhaputrā uktaṁ bhagavatā | atīte'dhvani gaveṣayanvodhimārgaṁ mayā labdhāni buddhakoṭitrayastriśadaṣṭānavatibuddhaśatasahasrāṇi | sarveṣāṁ kāle'hamāsaṁ cakravarta sarve cārāgitāstepūjitāste buddhāśca buddhaputrāśca prāptavyahetorna ca mayā prāptaṁ vyākaraṇam | punarlabdhāni pratyekabuddhakoṭicaturaśītiśatasahasrāṇi pratyekabuddhanavatiśatasahasrāṇi ca | sava'pi caturbhiḥ pariṣkārai ryāvajjīvaṁ pūjitāḥ | punaḥ khalu labdhāni dvāpaṣṭibuddhaśatasahasrāṇi ekaṣapṭayuttaradvādaśabuddhaśatāni ca | sarveṣāṁ kāle'hamāsaṁ cakavartī | ārāgitāścate yāvajjivaṁ pūjitāśca te | parinirvṛteṣu teṣu kāritāḥ saptaratnamayāḥ stūpā dhṛtapūjita [buddha] śarīrāḥ | atha puna rlokamāgatā buddhā āmantritā mayādhyepitāḥ prāvartayandharmacakram | pūjitāścaivaṁ buddhānāṁ śatāni sahasrāṇi śatasahasrāṇi śatasahasrāṇi koṭayaśca | te ca tathāgatāḥ śūnyadharmeṣu dharmalakṣaṇamavocan | prāptavyaheto rna mayā prāptaṁ vyākaraṇam ||

5 | evaṁ viparivartamānasya me tāvajjāto dīpaṁkarastathāgataḥ | apaśyaṁ taṁ bhagavantamaśrṛṇvaṁ dharmam | labdhā ca sarvānutpādā dharmakṣāntistadā labdhaṁ vyākaraṇam | dīpaṁkareṇa tathāgatena śūnyadharmeṣu bhāṣitaṁ dharmalakṣaṇam | paritrātānyaprameyasattvasahasrāṇi na tathāpi bhāṣitaṁ kiñcinna ca paritrātaḥ kaścit | lokamāgatena lokanāyakamuninā satsvapi śūnyadharmeṣu bhāṣitaṁ lekhitaṁ prakāśitaṁ | lokamāgatena lokanāyakamuninā satsvapi śūnyadharmeṣu bhāṣitaṁ lekhitaṁ prakāśitaṁ śikṣitamāmoditaṁ sarvaśca veditamācaritamapi ca na prakāśitaṁ nāpi veditaṁ na cāpyācaritam | evaṁ dharmāḥ svabhāvalakṣaṇena śūnyāḥ lekhanamapi śūnyam | yo'bhijānāti so'pi śūnyaḥ | yo'bhāṣata so'pi śūnyaḥ | yaśca janāti so'pi śūnyaḥ | ādiḥ śūnyamanāgataṁ śūnyaṁ pratyutpannaṁ śūnyam | bodhisattvaḥ saṁgṛhṇandaśa kuśalopāyavalasahasrāṇi sotsāho 'kusīdo puṇyaparipūrito labhate 'nuttarāṁ sanyaksambodhim ||

6 | nūnamasukaramacintyaṁ yaducyate dharmābhāve dharmābhāve dharmalakṣaṇaṁ prāptavyābhāve prāptidharmāḥ | buddhagocaramidamevaṁvastvaprameyayaitabuddhaprajñayā kevalaṁ jñātuṁśakyam | na ca jñātuṁ śakyaṁ cintayā | acirotpāditacitto bodhisattvaḥ śraddhācittenānuśaṁsati bodhimārocayati ca | śraddhāhetoḥ krameṇa buddhabhāṣiteṣu viśati | kā nāma śraddhā | śraddhayā paśyati caturāryasstyāni niruṇaddhi kleśān mithyādṭaṣṭisaṁyojanāni | prāpnotyarhatvam | paśyati dvādaśapratyayaṁ dvādaśāṅġaṁ pratītyasamutpādam | nirudhyante cāsyāvidyājanitāḥ saṁskārā labhate pratyekabuddhatām | śraddhayā carati caturo brahmacihārān ṣaṭ pāramitāḥ prāpnotyanuttārāṁ samyaksambodhimityucyate śraddhākṣāntiḥ ||

7 | sattvā anādimati jātimaraṇalakṣaṇe saktā na paśyanti dharmasvabhāvam | prathamaṁ draṣṭavyaṁ yadepa svakāyaḥ paṁcaskandhaḥ prajñāyate sattva iti | tanna nātmā na sattvaḥ tatkasyahetoḥ tatrātmā cedātmātmavaśas tiṣṭhet | sattvāstu jātiharāvyādhimaraṇaiḥ sadākrāntā nātmavaśās tiṣṭhanti | jñātavyaṁ tena nātmā | anātmatvānna kartā | akartṛtvānnopādātā | dharmasvabhāvaḥ pariśuddhaḥ | nityaṁ tiṣṭhati bhūtakoṭiḥ | evamaparipūritapratyavekṣaṇocyate 'nvayakṣāntiḥ | bodhisattvaścaritvā śraddhākṣānti manvayakṣānti cāciraṁ purayatyanuttarāṁ dharmakṣāntim ||

( iti bodhicittotpādasūtraśāstre śūnyālakṣaṇaṁ nāmaikādaśo vargaḥ || )

dvādaśo vargaḥ

dvādaśo vargaḥ

puṇyaparigrahaḥ

1 | bodhisattvasyālakṣaṇacittamācaritasyāpi cittaṁ na karmamu pratiṣṭhitaṁ bhavati | karmalakṣaṇāni jānannapi karoti karmāṇi | kuśalamūlamācarituṁ bodhimamisamboddhuṁ na parityajati saṁskṛtam | satvārthaṁ caranmahākaruṇāṁ nādhitiṣṭhatyasaṁskṛtam | sarvabuddhasamyakprajñārthaṁ na parityajati jātimaraṇaṁ nirvāpayitumaparyantānsattvānanupadhinirvāṇadhātau nādhitiṣṭhati nirvāṇamityucyate bodhisattvasya mahāsattvasya gambhīraṁ cittamabhisamboddhamanuttarāṁ samyaksambodhim ||

2 | buddhaputrā bodhisattvaḥ paripūrati daśa dharmānna ca pratyāvartate'nuttarāyāḥ samyaksambodheḥ | katame daśa | pathamaṁ bodhisattvo gambhīramutpādayati bodhicittaṁ sattvānapi śikṣayatyutpādayituṁ cittam | dvitīyaṁ nityamabhinandantathāgataṁ priyadānena pūjayati gambhīraṁ cavaropayati kuśalamūlam | tṛtīyaṁ dharmāngaveṣayituṁ gauravacittena pūjayati dharmagurūndharmaḥ śrṛṇvanna ca pariśrāgyati | caturthaṁ paśyanbhikṣusaṁghaṁ bhinnaṁ dvidhāvibhaktaṁ paramparaṁ vivadamānaṁ bhaṇḍanaṁ kurvāṇaṁ gavepayatyupāyaṁ saṁgamayati ca | pañcamaṁ paśyannāṣṭre vardhamānānyaśubhāni kṣīyamāṇānbuddhadharmāndeśayati tathā vācayati yāvadekāmapi gāthāṁ yenānucchinno bhavati dharmaḥ | ekacittaṁ paripālayati dharmaṁ na ca gaṇayati kāyajīvitam | ṣaṣṭhaṁ paritrāyate sattvānpaśyanmītānduḥkhitāndadāti cābhayam | saptamaṁ janayati caryotsāhaṁ gaveṣayati caivaṁ mahāyāanaṁ vaipulyamatigambhīraṁ sūtradharmaṁ bodhisattvapiṭakam | aṣṭamaṁ labdhvemāndharmāndhārayati vācayati paryavāpnotiyathābhāṣitamācarati yathābhāṣitamavatiṣṭhate | navamaṁ dharmamadhitiṣṭhannutsāhayati bahutarasattvānpraveṣṭuṁ dharme | daśamaṁ dharme praveśya prakāśayansaṁdarśayaṁllābhaprāmodyavavodhayati sattvān | bodhisattvaḥ paripūryemāndāśadharmānanuttarāyā bodhe rna pratinivartate ||

3 | bodhisattvenācaritavyamevamidaṁsūtram | acintyaṁ khalvevaṁvidhaṁ sūtraṁ yajjanayati sarvamahāmaitrīkaruṇābījam | idaṁ sūtraṁ cittamutpādayituṁ nayati cāvabodhayati ca baddhasattvān | idaṁ sūtramutpādahetu rbodhimabhisaṁprasthitānām | ida sūtraṁ paripūrakaṁ sarvabodhisattvānāmakṣomyacaryāyāḥ | idaṁ sūtramatītānāgatapratyutpannabuddhairanuparigṛhītam | kulaputrāḥ kuladuhitaraścetkāmayante saṁgrahītumanuttarāṁ bodhi deśayitavyamevaṁ rūpaṁ sūtraṁ | jaṁbūdvīpe'nucchedāya [buddhadharmāṇāṁ] aprayeyā aparyantāḥ sattvāḥ śrṛṇvantvidaṁ sūtram | kulaputrāḥ kuladuhitaraścecchṛṇvantīdaṁ sūtraṁ labhante 'cintyamatītīkṣṇaṁ mahāprajñāvyūhamaprameyaṁ ca puṇyafalavipākam | tat kasya hetoḥ | idaṁ sūtraṁ vivṛṇotyaprameyaṁ supariśuddhaṁ prajñānennaṁ karoti buddhavijaṁ nirantaramanucchinnam | paripālayati sattvānaprameyaduḥkhaduḥkhitān | avabhāsayati sarvamavidyāmohāndhakāram | bhinatti caturo mārānmārakarmāṇi ca | nāśāyati sarva tīrthikāṇāṁ mithyādṭaṣṭim | nirvāpayati sarvaṁ kleśamahājvanalam | apanayati [avidyā-] pratyayajanitānsaṁskārān | chinatti lobhaṁ mātsaryaṁ śīlabhedaṁ dveṣaṁ kausīdyaṁ vikṣepaṁ mūḍhatāṁ (ca) ṣaḍ guruvyādhīn | apanayati karmāvaraṇaṁ vipakāvaraṇaṁ kleśāvaraṇaṁ dṭaṣṭyāvaraṇamavidyāvaraṇaṁ jñānāvaraṇaṁbhāvānāvaraṇaṁ | saṁkṣepata ucyate | idaṁ sūtraṁ nirvāpayati niravaśeṣaṁ sarvākuśaladharmān | samedhayati sarvakuśaladharmāgniskandham | kulaputrāḥ kuladuhitaraścetsūtramidaṁ śrutvārocayantyanumodayantyāścaryacittamutpādayanti jñātavyaṁ taiḥ pūjitā aprameyā buddhāḥ | gambhīramavaropitaṁ kuśalamūlam | tatkasya hetoḥ asya sūtrasya triṣvadhvasu buddhairācaritatvādyaḥ khalu (mārgā-) vacaraḥ śrṛṇoti cedaṁ sūtraṁ svātmānaṁ dhanyaṁ manyate | labhate ca mahākuśalalābham | yaḥ kaścillikhatīdaṁ vācayatīdaṁ sūtraṁ jñātavyaṁ sa puruṣaḥ prāpnotyaprameyamaparyantaṁ puṇyafalavipākam | tatkasya hetoḥ | asya sūtrasyāparyantā lambanatvādaprama yamahāpraṇidhānotpādakatvātsarvasattvānugrāhakatvādanuttarasambodhiniṣpādakatvāllabdhaḥ puṇyafalavipāko'pyevayameyaḥ | yadi kaścidavabudhyārthaṁ tathācarati yathā sarvabuddhairasaṁkhyeyeṣu kalpeṣvakṣayaprajñayā bhāṣitaṁ tasya puṇyafalavipāko'pyakṣayo bhavati | yasminpradeśe dharmaśāstā deśayatīdaṁ sūtraṁ jñātavyaṁ tasminpradeśe stūpaḥ kārayitavyaḥ | kasmāt | samyagdharmasya tatra janitatvāt | edaṁ sūtraṁ yasmindeśe nagarai grāme vihāre kuṭayāṁ vā bhavati jñātavyaṁ tatra bhavati [3 tathāgatasya ] dharmakāyaḥ | yadi puruṣaḥ pūjayati gandhapuṣpaiḥ saṁgītena vitānena camaracchatrairgītaiḥ stautrairnamaskāraiḥ jñātavyaṁ sa puruṣa buddhabījaṁ bahulikaroti ki punarvaktavyaṁ yo niravaśeṣaṁ gṛhṇati dhārayati sūtramidam | sa puruṣaḥ pūrayati puṇyaprajñāniṣpattimanāgate'dhvani labhate vyākaraṇaṁ prāpnityanuttarāṁ samyaksambodhim ||
( iti bodhicittotpādasūtraśāstre puṇyaparigraho nāma dvādaśo vargaḥ || )

pariniṣṭhitaṁ bodhicittotpādasūtraśāstram ||