nityakarmapūjāvidhiḥ

nityakarmapūjāvidhiḥ

om namaḥ śrīvajrasattvāya |

atha nityakarmapūjāvidhiḥ prārabhyate | tatrādau om hrīṁ svāhā 3 kāyaviśodhane svāhā | iti mantreṇa tridhā ācamya pūjābhāṇḍasaṁkalpaṁ kuryāt |
tadyathā - om adya śrīmacchrītyādinā saṁkalpoccāraṇānantaramidaṁ mantraṁ paṭhet | om namo bhagavate puṣpaketurājāya tathāgatāyārhate samyaksaṁbuddhāya |
tadyathā - om puṣpe 2 mahāpuṣpe supuṣpe puṣpodbhave puṣpasaṁbhave puṣpāvakiraṇe svāhā | idaṁ sapuṣpadhūpadīpa gandharasanaivedyādiyuktaṁ suvarṇapuṣpabhājanaṁ saṁkalpayāmyaham | tato prāṇāyāmādi nyāsayogādi kṛtvā guruṁ ca namaskṛtya śaṅkhaṁ pūjayet ||

om gurubhyo namaḥ 3 samasta guru ājñā | om ā hū va vajrodake hū svāhā || śirasi śaṅkhodakenābhiṣiñcet -

yathā hi jātamātreṇa snāpitāḥ sarvatathāgatāḥ |
tathāhaṁ snāpayiṣyāmi śuddhadivyena vāriṇā ||

om sarvatathāgatābhiṣekasamaśriye hū | punaḥ | omhrī svāheti mantreṇācamya pūrvoktamantreṇa pūjābhāṇḍamadhiṣṭhāya puṣpaikaṁ trikāyādhiṣṭhānaṁ kṛtvā bhūmau nyaset | om āḥ hu 3 tiṣṭha vajrāsane hu | pārśvābhyāṁ kṣipet dvau puṣpau | om sarvapāpānapanaya hu | ekaṁ śirasi nyasedanena mantreṇa - om maṇidhari vajriṇi mahāpratisare rakṣa 2 māṁ sarvasattvānāṁ ca hu 2 faṭ svāhā | maṇḍale tilakaṁ kṛtvā''tmānaṁ ca bhūṣayet | om vajratilakabhūṣaṇe svāhā | sajalapuṣpākṣatavāsamaṇḍale pātayedanena mantreṇa , om vajrodake hū | om vajragomaye hu | om vajrabhūmau surekhe sarvatathāgatādhiṣṭhānādhitiṣṭhantu svāhā | etacca paṭhet |

dānaṁ gomayambunā ca sahitaṁ śīlaṁ ca sammārjanaṁ
kṣāntiṁ kṣudrapipīlikāpanayanaṁ vīryaṁ kriyāsthāpanam |

dhyānaṁ tatkṣaṇamekacittakaraṇaṁ prajñāsurekhojvalā
etāḥ pāramitā ṣaḍeva labhate kṛtvā munermaṇḍalam ||

bhavati kanakavarṇaḥ sarvarogaurvimuktaḥ
suramanujaviśiṣṭaścandravaddīptakāntiḥ |

dhanakanakasamṛddhirjāyate rājavaṁśe
sugatavaragṛhe'smin kāyakarmāṇi kṛtvā ||

om sule(re)khe sarvatathāgatādhiṣṭhānādhitiṣṭhantu svāhā | puṣpaikaṁ hastasyopari nyasya nyubjahastaṁ kṛtvā maṇḍale kṣipet | om candrārkavimale svāhā | maṇḍalaṁ pradakṣiṇīkṛtya puṣpaikaṁ balibhāṇḍe kṣipet | om vajrasattva sarvavighnānutsādayahu | pūrvādikrameṇa dviparivartanaṁ kṛtvā ekaviṁśatipuṣpapātanaṁ kuryāt maṇdale | om haḥ mahāmadhye merave namaḥ | om hrīṁ madhye merave namaḥ | om sū sūkṣmamadhye merave namaḥ | iti madhye | om yaṁ pūrvavidehāya namaḥ | pū | om raṁ jambūdvīpāya namaḥ | da | om laṁ aparagodānīye namaḥ | pa| om vaṁ uttarakurave namaḥ | u| om yā upadvīpāya namaḥ | a | om rā upadvīpāya namaḥ | nai | om lā upadvīpāya namaḥ | vā | om vā upadvīpāya namaḥ | ī | tathaiva | īṁ yaḥ gajaratnāya namaḥ | īṁ raḥ aśvaratnāya namaḥ | om laḥ puruṣaratnāya namaḥ | om vaḥ strīratnāya namaḥ | om yā khaḍgaratnāya namaḥ | om rā cakraratnāya namaḥ | om lā maṇiratnāya namaḥ | om vā sarvanidhānebhyo namaḥ | ī | om caṁ candrāya namaḥ | da| om sūṁ sūryāya namaḥ | u | om āḥ hu śrīvajrasattvagurave namaḥ | madhye | pañcopacārapūjā | om vajragandhe svāhā | gandhaḥ | om vajrapuṣpe svāhā | puṣpaṁ | om vajradhūpe svāhā | dhūpaṁ | om vajranaivedye svāhā | naivedyaṁ | om vajradīpe svāhā | dīpaṁ | om vajralājāya svāhā | lājāṁ | puṣpākṣatasahitajaladhārāṁ maṇḍale pātayet -

om catūratnamayaṁ merumaṣṭadvīpopaśobhitam |
nānāratnasamākīrṇaṁ tadye'nuttaradāyinaḥ ||

gurubhyo buddhadharmebhyaḥ saṁghebhyaśca tathaiva ca |
niryātayāmi bhāvena sampūrṇaṁ ratnamaṇḍalam ||

stutiḥ | om āḥ hu (hū) śrīmadvajrasattvasaguruvaracaraṇakamalāya samyagjñānāvabhāsanakarāya namo'haṁ namastestu namo namaḥ bhaktyāhaṁ tvāṁ namasyāmi gurunātha prasīda me | kṛtāñjalinā tiṣṭhet |

yasya prasādakiraṇaiḥ sfuritātmatattva
ratnaprabhāparikaraiḥ prahatāndhakārāḥ |

paśyantyanāviladṛśaiḥ savilāsamuccai
stasmai namaskṛtiriyaṁ gurubhāskarāya ||

namo buddhāya guruve namo dharmāya tāyine |
namaḥ saṁghāya mahate tribhyo'pi satataṁ namaḥ ||

sarvabuddhaṁ namasyāmi dharmaṁ ca jinabhāṣitam |
saṁghaṁ ca śīlasampannaṁ ratnatraya namo'stu te ||

ratnatraye me śaraṇaṁ sarvaṁ pratideśayāmyaham |
anumode jagatpuṇyaiḥ buddhabodhau dadhe manaḥ ||

ābodhau śaraṇaṁ yāmi buddhadharmagaṇottame |
bodhicittaṁ karomyeṣa svaparārthaprasiddhaye ||

utpādayāmi varabodhicittaṁ nimantrayāmyahaṁ sarvasattvān |
iṣṭāṁ cariṣye varabodhicaryāṁ buddho bhaveyaṁ jagato hitāya ||

deśanāṁ sarvapāpānāṁ puṇyānāṁ cānumodanām |
kṛtopavāsaṁ cariṣyāmi āryāṣṭāṅgamupoṣadham ||

mayā bālena mūḍhena yatkiñcitpāpamāgatam |
prakṛtyāvadyasāvadyaprajñaptyāvadyameva ca ||

tadatyayaṁ deśayāmyeṣa nāthānāmagrataḥ sthitaḥ |
kṛtāñjalirduḥkhabhītaḥ praṇipatya punaḥ punaḥ ||

atyayamatyayaṁ tena pratigṛhṇantu nāyakāḥ |
na bhadrakamidaṁ cātha na kartavyaṁ punarmayā ||

yathā te tathāgatā āryārhantaḥ samyaksaṁbuddhā buddhajñānena buddhacakṣuṣā jānanti paśyanti yat kuśalamūlaṁ yajjātikaṁ yannikāyaṁ yādṛśaṁ yatsvabhāvaṁ yallakṣaṇaṁ yathādharmatayā saṁvidyate | tatkuśalamūlaṁ nityamanuttarāyāṁ samyaksaṁbodhau pariṇāmitaṁ tathāhaṁ pariṇāmayāmi |

tathā mamānena samānakālaṁ lokasya duḥkhaṁ ca sukhodayaṁ ca |
hartuṁ ca kartuṁ ca sadāstu śaktistamaḥprakāśaṁ ca yathaiva bhānoḥ ||

dṛṣṭaḥ śruto'nusmṛtimāgato vā pṛthakkathāyogamupāgato vā |
sarvaprakāraṁ jagato hitāya kuryāmajastraṁ sukhasaṁhitāya || iti ||

atrāvasare jāpayogaṁ kuryāt | tadāvasāne'mṛtakuṇḍalivalibhāṇḍe śaṅkhodakaculukaṁ dadyādanena om hrīṁ ācamanaṁ [prokṣaṇaṁ] praticcha svāhā |
bhāvanā | tato yaṁkāreṇa vāyumaṇḍalaṁ raṁkāreṇāgnimaṇḍalaṁ tadupari trimuṇḍakṛtacūḍikopari sitapadmabhājanaṁ tatra bhaktādiparipūritaṁ tatropari bru ā ji kha hu lāṁ māṁ pāṁ tāṁ vaṁkārajātaḥ pañcāmṛtapañcapradīparupaṁ niṣpādya tato garuḍamudrāṁ darśayet | freṁ 3 | punaḥ śaṅkhodakaculukaṁ dadyādanena -

om indrādilokapālebhyaḥ pādyācamanaṁ [nārghaṁ] prokṣaṇaṁ praticcha svāhā | jaḥ hu va horiti mudrāṁ pradarśya indrādidaśadikpālalokapālamudrāṁ ca pradarśya pūrvādikrameṇa balibhāṇḍe puṣpaṁ pātayedebhirmantraiḥ |

om indrāya svāhā | om varuṇāya svāhā | om kuverāya svāhā | om agnaye svāhā | om nairṛtye svāhā | om vāyave svāhā | om īśānāya svāhā | om ūrdhvaṁ brahmaṇe svāhā | om adhaḥ pṛthivībhyaḥ svāhā | om sūryāya grahādhipataye svāhā | om candrādi (ya) nakṣatrādhipataye svāhā | om nāgebhyaḥ svāhā | om asurebhyaḥ svāhā | om yakṣebhyaḥ svāhā | om sarvadigvidiglokapālebhyaḥ svāhā | pañcopacārapūjā pūrvavat stutiḥ |

indrādayo mahāvīrā lokapālā maharddhikāḥ |
kīlayantu daśakrodhā vighnahartā namo'stu te ||

tarpaṇam -
bibhrāṇaṁ buddhabimbaṁ divasakaradhara rāśi yā bindulekham |
maitrīyaṁ cārurūpaṁ śirasi varatanuṁ mañjughoṣaṁ ca gātram ||

padmasthaṁ daṇḍarūpaṁ kuliśavaratanuṁ vajriṇaṁ bhīmanādam |
vijñānaṁ jñānarūpaṁ nihitabhavabhayaṁ pañcamūrti praṇamya ||

sākṣatapuṣpajaladhārāṁ balibhāṇḍe pātayet |

indrādivajrī saha devasaṁghairimaṁ ca gṛhṇantu baliṁ viśiṣṭam |
agniryamo nairṛtibhūpatiśca apāṁpatirvāyudhanādhipaśca ||

īśānabhūtādhipatiśca devā ūrdhvaśca candrārkapitāmahaśca |
devāḥ samastā bhuvi ye ca nāgāḥ dharādharā guhyagaṇaiḥ sametāḥ ||

pratipratitveka nivedayantu svakasvakāścaiva diśāsu bhūtāḥ |
gṛhṇantu tuṣṭāḥ sagaṇaiḥ sametāḥ sa putradārāḥ saha bhṛtyasaṁghaiḥ ||

hṛṣṭāḥ prasannāḥ sraggandhāmālyaṁ puṣpaṁ balirdhūpavilepanaṁ ca |
gṛhṇantu bhuñjantu pibantu cedaṁ idaṁ ca karmaṁ safalaṁ bhavenme ||

hu hufaṭ faṭ svāhā punastathaiva ca | om namo ratnatrayāya om caṇḍavajrapāṇaye mahākrodhāya daṁṣṭrotkaṭabhairavāya asimuśalapāśagṛhītahastāya | om amṛtakuṇḍali kha kha khāhi 2 tiṣṭha 2 bandha 2 hana 2 daha 2 paca2 garjaya 2 tarjaya 2 visfoṭaya 2 mahāgaṇapataye jīvitāntakarāya hu hu faṭ 2 svāhā | tatra puṣpādi pūjā | tadvidhiṁ devatāpūjāyāṁ darśaddīpānte lājābhiretadgāthayā pūjayet |

ye dharmā hetuprabhavā hetusteṣāṁ tathāgato hyavadat |
teṣāṁ ca yo nirodha evaṁvādī mahāśramaṇaṁ ||

pūṣpākṣatajalaiḥ pūjayedanena | om akāro mukhaḥ sarvadharmāṇāmādyanutpannatvāt | om āḥ hu (hū) faṭ svāhā | dakṣiṇā | om mañjuśriye kumārabhūtāya bodhisattvāya mahāsattvāya mahākāruṇikāya taṇḍuladakṣiṇā saṁpraḍho (to) ṣayāmyaham | sākṣatāñjalenā tiṣṭhet | om vajrasattvasamayamanupālaya vajrasattvattvenopatiṣṭha dṛḍho me bhava sutoṣyo me bhava supoṣyo me bhava anurakto me bhava sarvasiddhiṁ me prayaccha sarvakarmasu ca me cittaśriyaṁ kuru hu ha ha ha ha ho bhagavan sarvatathāgata vajraṁ mā me muñca vajrībhava mahāsamayasattva āḥ | iti gurumaṇḍalakriyā |

tato devatāpūjārthaṁ devatāyā śiraḥpradeśe puṣpamāropya etadbhāvanāvākyaṁ paṭhet | om svabhāvaśuddhāḥ sarvadharmāḥ svabhāvaśuddho'ham | om śūnyatājñānavajrasvabhāvātmako'ham | dhūpavākyam | om bhagavan śrī amukavajravidyārāja namo'stu te |

kartumicchāmi te nātha maṇḍalaṁ karuṇātmaka |
śiṣyāṇāmanukampāya yuṣmākaṁ pūjanāya ca ||

tanme bhaktasya bhagavan prasādaṁ kartumarhasi |
samanvāharantu māṁ buddhā jagaccakrakriyārthadāḥ ||

falasthā bodhisattvāśca yā cānyā mantradevatāḥ |
devatā lokapālāśca bhūtāḥ saṁbodhisādhitāḥ ||

śāsanābhiratāḥ sattvā ye kecidvajracakṣuṣaḥ |
anukampāmupādāya saśiṣyasya ca tanmama ||

amukadevatānāmācāryam arcayiṣyāmi | tatra vajradhūpaṁ niryātayāmi tatra vajradhūpaṁ praticcha svāhā | tataḥ sākṣāt puṣpāñjaliṁ dhṛtvaitadadhyeṣaṇāvākyaṁ paṭhet -

adya me safalaṁ janma safalaṁ jīvitaṁ ca me |
samayaṁ sarvadevānāṁ bhāvito'haṁ na saṁśayaḥ ||

avaivartī bhaviṣyāmi bodhicittaikacetasā |
tathāgatakulotpattirmamādya syānna saṁśayaḥ ||

agro me divaso hyadya yajño me'dya hyanuttaraḥ |
sannipāto bhavo hyadya sarvabuddhanimantraṇāt ||

om kusumāñjalinātha horiti mantraṁ paṭhan devatāsannidhau prakiret |
tadanu snānavidhiḥ || tatrādau suvarṇādibhājane śubhrasvacchasunirmalakāṁsyadarpaṇaṁ dhṛtvā tatra praṇavamekaṁ suvarṇaśalākayā vilikhya tasminneva jaladhārāṁ pātayedanayā gāthayā -

om yanmaṅgalaṁ sakalasattvahṛdi sthitasya
sarvātmakasya varadharmakulādhipasya |

niḥśeṣadoṣarahitasya mahāsukhasya
tanmaṅgalaṁ bhavatu te paramābhiṣekaḥ ||

punaḥ pañcāmṛtaiḥ snāpayet | om sarvatathāgata bru ā ji hu | tataḥ pratibimbaṁ darśayedanena |

pratibimbasamā dharmā acchā śuddhā hyanāvilāḥ |
agrāhyā anulipyāśca hetukarmasamudbhavāḥ ||

snānodakamātmanaḥ śirapradeśe'bhiṣecayet | om sarvatathāgatābhiṣekaṁ samāśriye hu | iti snānakarmānte jaladhārayā maṇḍaṁ kārayeddevatāsamīpe | om vajrabhūmau surekhe sarvatathāgatādhiṣṭhānādhītṣṭhantu svāhā | om vajrasuvarṇajaladhāre svāhā | sindūreṇābhūṣayet |

idaṁ te paramaṁ gandhaṁ pavitraṁ ghrāṇatatparam |
dadāmi paramaṁ bhaktyā pratigṛhṇa yathāsukham |
om vajragandhe svāhā | om vajratilakabhūṣaṇe svāhā | yajñopavītam | om vajravastrālaṁkārapūjāmeghasamudrasfuraṇayajñopavīta vajrabodhyaṅga dṛḍhakavaca vajravastraṁ svāhā | tato devatāmūlamantreṇāṣṭottaraśatavāraṁ puṣpamabhimaṁtrya ( devatāyā śirasi ) tatpuṣpaṁ devatābhyaḥ samarpayet |
svasti vaḥ kurutāṁ buddhāḥ svasti devāḥ saśatrukāḥ |
svasti sarvāṇi bhūtāni sarvakālaṁ diśantu vaḥ ||

buddhapuṇyānubhāvena devatānāṁ matena ca |
yo yo'rthaḥ samabhipretaḥ sarvortho'dya samṛddhayatām ||

svasti vo dvipade bhontu svasti vo'stu catuṣpade |
svasti vo vrajatāṁ mārge svasti pratyāgateṣu ca ||

svasti rātrau svasti divā svasti madhye dine sthite |
sarvatra svasti vo bhontu mā caiṣāṁ pāpamāgamat ||

sarve sattvāḥ sarve prāṇāḥ sarvebhūtāśca kevalāḥ |
sarve vai sikhinaḥ santu sarve santu nirāmayāḥ ||
sarve bhadrāṇi paśyantu mā kaścitpāpamāgamat |

yānīha bhūtāni samāgatāni, sthitāni bhūmāvathavāntarikṣe |
kurvantu maitrīṁ satataṁ prajāsu, divā ca rātrau ca carantu dharmam ||

om vajrapuṣpe svāhā | naivedyasamarpaṇam | om vajranaivedya svāhā |
om vajrasamayācāraṁ khādyabhojyādikaṁ prabho |
varṇagandharasopetaṁ pratigṛhṇa yathāsukham ||

atha tarpaṇam -
om namo bhagavate vīravīreśāya hu faṭ |
om namo mahākalpāgnisannibhāya hu faṭ |
om namo jaṭāmakuṭotkaṭāya hu hu faṭ |
om namo draṁṣṭākarālograbhīṣaṇamukhāya hu hu faṭ |
om namo sahasrabhujaprabhāsvarāya hu hu faṭ |
om namo paraśupāśatriśūlakhaṭvāṅgadhāriṇe hu hu faṭ |
om namo vyāghracarmāmbaradharāya hu hu faṭ |
om namo mahābhūmrāndhakāravapuṣe hu hu faṭ svāhā |
godugdhasamarpaṇam |
om sarvatathāgata cintāmṛtadhāre svāhā | dīpārpaṇam |

netrābhirāmā bahuratnakoṣā narādhipairarcitapādapadmā |
jñānapradīpāhatamohajālā ye dīpamālārccayanti tatra ||

om vajradīpe hrīṁ svāhā | tato mūlamantreṇāṣṭottaraśatavāramantritalājābhirye dharmeti gāthāṁ paṭhitvā devatāṁ prakiret | akāramukhetyādinā baliṁ dattvā | mañjuśriyetyādinā dakṣiṇāṁ ca samarpya sākṣatāñjalinā śatākṣaradhāraṇīṁ paṭhet |tato'kṣatārpaṇārthe jalena maṇḍalaṁ kṛtvā tatra daśapuṣpāṇi pātayedebhirmantraiḥ | om pīṭhāya svāhā | om upapīṭhāya svāhā | om kṣetrāya svāhā | om upakṣetrāya svāhā | om chandāya svāhā | om upachandāya svāhā | om melāpakāya svāhā | om upamelāpakāya svāhā | om śmaśānāya svāhā | om upaśmaśānāya svāhā | tatra pañcopacārapūjāṁ kṛtvā baliṁ dadyāt || om pīṭhopapīṭhakṣetropakṣetrachandopachanda-

melāpakopamelāpakaśmaśānopaśmaśānādhivāsino vīravīreśvarīḥ sarvān bhaktitaḥ praṇamāmyaham | tato'kṣatārpaṇasamaye vakṣyamāṇastotrāṇi paṭhet | om āḥ hu (hū) śrīmadvajrasattvetyādinā |

sarvajñajñānasaṁdohaṁ jagadarthaprasādhakam |
cintāmaṇirivodbhūtaṁ śrīsaṁvara namostu te ||

vyāptaṁ viśvamahājñānaṁ sarvātmani sadā sthitam |
kṛpākrodhaṁ mahāraudraṁ śrīsaṁvara namostu te||

ityādi paṭhitvā kṣamārpaṇaṁ kuryāditi | tatra kṣamāpanam | śatākṣaramantroccāraṇānantaraṁ dānapatītyādinā manobhīpsitasaṁkalpavākyānantaramevaṁ kṣamārpaṇaṁ kuryāt |

aprāptena ca prajñānamaśaktaṁ ca mayā vibho |
yannyūnamadhikaṁ nātha tatsarvaṁ kṣantumarhasi ||

kṣantumarhantu saṁbuddhā devatā tad vratāśca ye |
brahmādyā lokapālāśca yāśca bhūtavidhikriyāḥ ||

śāntiṁ svastiṁ ca puṣṭiṁ ca bhaktasyānugrahāya ca |
yatkṛtaṁ duṣkṛtaṁ kiñcit mayā mūḍhadhiyā punaḥ ||

kṣantavyaṁ ca tvayā nātha yadi trātāsi dehinām |
kuru dānapateḥ śāntiṁ svastiṁ puṣṭiṁ ca sarvadā ||

yatkṛtaṁ kāyajaṁ pāpaṁ vāgjaṁ pāpaṁ ca yatkṛtam |
yatkṛtaṁ cittajaṁ pāpaṁ tatsarva deśayāmyaham ||

namostu te buddha anantagocare namostu te satyaprakāśaka mune |
satyapratiṣṭhāya prajāya me ca sarve ca kāryāḥ safalā bhavantu ||

mantrahīnaṁ kriyāhīnaṁ bhāvanāvākyahīnakam | prasīda parameśvara parameśvari rakṣa 2 māṁ koṭi aparādhaṁ kṣamasva | iti kṣamāpya āvāhitadevān visarjayet |
kṛto vaḥ sarvasattvārthasiddhiṁ dattvā yathānugāḥ |
gacchadhvaṁ buddhaviṣaye punarāgamanāya ca ||

svasvasthāne gacchadhvam | om āḥ hu (hū) vajramaṇḍalaṁ mūriti visarjanā |
iti nityakarmapūjāvidhiḥ samāptaḥ |

sarvasattvārthasiddhirbhavantu ||